விப்ரோ நிகர லாபம் ரூ.3,074.5 கோடி

முன்னணி தகவல் தொழில்நுட்ப நிறுவனங்களில் ஒன்றான விப்ரோவின் நிகர லாபம் கடந்த மாா்ச் காலாண்டில் ரூ.3,074.5 கோடியாக பதிவு செய்யப்பட்டுள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஜனவரி முதல் மாா்ச் வரையிலான காலகட்டத்தில் நிறுவனத்தின் நிகர லாபம் ரூ.3,074.5 கோடியாகும்.

2022-ஆம் ஆண்டின் இதே காலகட்டத்தோடு ஒப்பிடுகையில் இது 0.4 சதவீதம் குறைவாகும். அப்போது நிறுவனத்தின் நிகர லாபம் ரூ.3,087.3 கோடியாக இருந்தது.

கடந்த நிதியாண்டு முழுமைக்கும் நிறுவனத்தின் நிகர லாபம் 7.1 சதவீதம் சரிந்து ரூ.11,350 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.