ஜூலையில் ஏற்றம் கண்ட காா்களின் விற்பனை

இந்தியச் சந்தையில் காா்களின் விற்பனை கடந்த ஜூலை மாதத்தில் 2.57 சதவீதம் உயா்ந்துள்ளது.

இது குறித்து இந்திய வாகனத் தயாரிப்பாளா்கள் சங்கம் (சியாம்) வியாழக்கிழமை வெளியிட்ட அறிக்கையில் தெரிவிக்கப்பட்டுள்ளதாவது

:கடந்த ஜூலை மாதத்தில் உள்நாட்டுச் சந்தையில் காா்களின் மொத்த விற்பனை 3,50,149-ஆக உள்ளது.2022-ஆம் ஆண்டின் இதே மாதத்தோடு ஒப்பிடுகையில் இது 2.57 சதவீதம் அதிகமாகும். அப்போது காா்களின் உள்நாட்டு மொத்த விற்பனை 3,41,370-ஆக இருந்தது.எனினும், 2022-ஆம் ஆண்டு ஜூலையில் 13,81,303-ஆக இருந்த இரு சக்கர வாகனங்களின் மொத்த உள்நாட்டு விற்பனை கடந்த ஜூலையில் 12,82,054-ஆகக் குறைந்துள்ளது.கடந்த ஆண்டு ஜூலையில் 8,70,028-ஆக இருந்த மோட்டாா் சைக்கிள்களின் மொத்த விற்பனை இந்த ஆண்டின் அதே மாதத்தில் 8,17,206-ஆகக் குறைந்துள்ளது.அதே போல், ஸ்கூட்டா்களின் விற்பனையும் 4,28,640-ஆக்க குறைந்துள்ளது. கடந்த ஆண்டின் இதே மாதத்தில் அவற்றின் விற்பனை 4,79,159-ஆக இருந்தது.மதிப்பீட்டு மாதத்தில் 3 சக்கர வாகனங்களின் விற்பனை 56,034-ஆக அதிகரித்துள்ளது. 2022-ஆம் ஆண்டின் ஜூலை மாதத்தில் இந்த எண்ணிக்கை 31,324-ஆக இருந்தது.2022 ஜூலையில் 17,06,545-ஆக இருந்த ஒட்டுமொத்த வாகனங்களின் விற்பனை, கடந்த ஜூலையில் 16,40,727-ஆக (டாடா மோட்டாா்ஸ் தவிா்த்து) உள்ளது என்று அந்த அறிக்கையில் குறிப்பிடப்பட்டுள்ளது.