3 லட்சமாக உயா்ந்த டிவிஎஸ் மோட்டாா் விற்பனை

டி.வி.எஸ் மோட்டாா் நிறுவனத்தின் மொத்த விற்பனை கடந்த ஏப்ரலில் 3,06,224-ஆக உயா்ந்துள்ளது.

இது குறித்து நிறுவனம் வெளியிட்டுள்ள அறிக்கையில் குறிப்பிடப்பட்டுள்ளதாவது: கடந்த ஏப்ரல் மாதத்தில் நிறுவனத்தின் மொத்த விற்பனை 3,06,224-ஆக இருந்தது. இது கடந்த ஆண்டின் இதே மாதத்தில் 2,95,308-ஆக இருந்தது. அதனுடன் ஒப்பிடுகையில் தற்போது மொத்த விற்பனை 4 சதவீதம் உயா்ந்துள்ளது.

2022 ஏப்ரலில் 2,80,022-ஆக இருந்த இருசக்கர வாகனங்களின் மொத்த விற்பனை, கடந்த மாதம் 5 சதவீதம் அதிகரித்து 2,94,786-ஆக உள்ளது.

நிறுவனத்தின் உள்நாட்டு விற்பனை 1,80,553-இல் இருந்து 2,32,956-ஆக உயா்ந்துள்ளது.

மதிப்பீட்டு மாதத்தில் நிறுவனத்தின் 71,663 வாகனங்கள் ஏற்றுமதி செய்யப்பட்டன. கடந்த ஆண்டு இதே மாதத்தில் இந்த எண்ணிக்கை 1,13,427-ஆக இருந்தது என்று அந்த அறிக்கையில் தெரிவிக்கப்பட்டுள்ளது.