மீண்டும் ரூ. 54,000-ஐ கடந்தது தங்க விலை!

சென்னை: சென்னையில் ஆபரணத் தங்கத்தின் விலை வியாழக்கிழமை காலை சவரனுக்கு ரூ. 520 உயர்ந்தது.

தங்கம் விலை படிப்படியாக குறைந்து கடந்த வாரம் ரூ. 53,000-ஆக விற்பனை செய்யப்பட்டது. இந்த வாரம் தொடக்கம் முதல் மீண்டும் விலை அதிகரிக்க தொடங்கியது.

புதன்கிழமை நிலவரப்படி ஒரு சவரன் தங்கம் ரூ. 53,560-க்கு விற்பனை செய்யப்பட்ட நிலையில், இன்று ஒரே நாளில் ரூ. 520 உயர்ந்துள்ளது.

வியாழக்கிழமை காலை நிலவரப்படி ஒரு கிராம் தங்கம் ரூ.6,760-ஆகவும் ஒரு சவரன் தங்கம் ரூ. 54,080-ஆகவும் விற்பனை செய்யப்பட்டு வருகின்றது.

வெள்ளி ஒரு கிராமுக்கு ரூ. 1.50 உயர்ந்து ரூ. 97.50 ஆகவும், ஒரு கிலோ ரூ. 97,500 ஆகவும் விற்பனை செய்யப்படுகிறது.