பிஎம்டபிள்யு விற்பனை புதிய உச்சம்

புது தில்லி: சொகுசுக் காா் தயாரிப்பாளரான பிஎம்டபிள்யூவின் இந்திய விற்பனை கடந்த மாா்ச் காலாண்டில் புதிய உச்சத்தைப் பதிவு செய்துள்ளது.

இது குறித்து பிஎம்டபிள்யு குரூப் இந்தியா வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஜனவரி முதல் மாா்ச் வரையிலான 2023-24-ஆம் நிதியாண்டின் கடைசி காலாண்டில் நிறுவனத்தின் விற்பனை 3,680-ஆக உள்ளது. இது, நிறுவனத்தின் அதிகபட்ச காலாண்டு விற்பனையாகும்.

முந்தைய 2022-23-ஆம் நிதியாண்டின் ஜனவரி-மாா்ச் காலாண்டில் நிறுவனம் 2,440 காா்களை விற்பனை செய்திருந்தது. இதன் மூலம், நிறுவனத்தின் காலாண்டு விற்பனை தற்போது 51 சதவீதம் அதிகரித்துள்ளது என்று அந்த அறிக்கையில் குறிப்பிடப்பட்டுள்ளது.