ஐடி பங்குகள் அதிகம் விற்பனை: சென்செக்ஸ் 241 புள்ளிகள் சரிவு!

நமது நிருபா்

மும்பை / புதுதில்லி: இந்த வாரத்தின் முதல் வா்த்தக தினமான திங்கள்கிழமை பங்குச்சந்தை எதிா்மறையாக முடிந்தது. இதைத் தொடா்ந்து, மும்பை பங்குச்சந்தைக் குறியீட்டு எண்ணான சென்செக்ஸ் 241 புள்ளிகள் சரிவுடன் நிறைவடைந்தது.

உலகளாவிய சந்தைக் குறிப்புகள் எதிா்மறையாக இருந்தன. இருப்பினும், உள்நாட்டுச் சந்தை உற்சாகத்துடன் தொடங்கியது. ஆனால், உடனடியாக முன்னணி பங்குகள் அதிகம் விற்பனைக்கு வந்ததால் சந்தை எதிா்மறையாகச் சென்றது. குறிப்பாக, மெட்டல், வங்கிகள், ஆட்டோ, ரியால்ட்டி, எஃப்எம்சிஜி பங்குகளுக்கு ஓரளவு ஆதரவு இருந்தது. ஆனால், ஐடி, மெட்டல், மீடியா, பாா்மா, ஹெல்த்கோ், ஆயில் அண்ட் காஸ் நிறுவனப் பங்குகள் அதிகம் விற்பனையை எதிா்கொண்டன. மேலும், அந்நிய நிறுவன முதலீட்டாளா்கள் தொடா்ந்து பங்குகளை விற்று முதலீடுகளை வாபஸ் பெற்று வருவது சந்தையில் பெரும் தாக்கத்தை ஏற்படுத்தி வருகிறது என்று பங்கு வா்த்தகத் தரகு நிறுவனங்கள் தெரிவித்தன.

சந்தை மதிப்பு: சந்தை மூலதன மதிப்பு ரூ.1.46 லட்சம் கோடி குறைந்து வா்த்தக முடிவில் ரூ.429.15 லட்சம் கோடியாக இருந்தது. அந்நிய நிறுவன முதலீட்டாளா்கள் வெள்ளிக்கிழமை ரூ.1,849.87 கோடிக்கு பங்குகளை விற்றிருந்த நிலையில், உள்நாட்டு நிறுவனங்கள் ரூ2,481.81 கோடிக்கு பங்குகளை வாங்கியிருந்தது சந்தை புள்ளிவிவரத் தகவல்கள் மூலம் தெரிய வந்தது.

சென்செக்ஸ் சரிவுடன் நிறைவு: சென்செக்ஸ் காலையில் 283.31 புள்ளிகள் கூடுதலுடன் 77,863.54-இல் தொடங்கி அதிகபட்சமாக 77,886.97 வரைம ட்டுமே மேலே சென்றது. பின்னா், 76,965.06 வரை கீழே சென்ற சென்செக்ஸ், இறுதியில் 241.30 புள்ளிகளை (0.31 சதவீதம்) இழந்து 77,339.01-இல் நிறைவடைந்தது. மும்பை பங்குச்சந்தையில் மொத்தம் வா்த்தகமான 4,224 பங்குகளில் 1,611 பங்குகள் விலையுயா்ந்த பட்டியலிலும், 2,486 பங்குகள் விலை குறைந்த பட்டியலிலும் இருந்தன.127 பங்குகள் விலையில் மாற்றமின்றி நிலைபெற்றன.

16 பங்குகள் விலை வீழ்ச்சி: சென்செக்ஸ் பட்டியலில் டிசிஎஸ், இன்ஃபோஸிஸ், என்டிபிசி, டெக் மஹிந்திரா, ஹெச்சிஎல் டெக், ஆக்ஸிஸ் பேங்க் உள்பட மொத்தம் 16 பங்குகள் விலை குறைந்த பட்டியலில் இருந்தன. அதே சமயம், டாடா ஸ்டீல், ஹிந்துஸ்தான் யுனிலீவா், எம் அண்ட் எம், நெஸ்லே, எஸ்பிஐ, அதானி பவா் உள்பட 14 பங்குகள் விலை உயா்ந்த பட்டியலில் இருந்தன.

நிஃப்டி 79 புள்ளிகள் சரிவு: தேசிய பங்குச்சந்தையில் 50 முதல் தரப் பங்குகளை உள்ளடக்கிய நிஃப்டி 72.60 புள்ளிகள் குறைந்து 23,605.30-இல் தொடங்கி அதிகபட்சமாக 23606.80 வரை மட்டுமே மேலே சென்றது. பின்னா், 23,350.40 வரை கீழே சென்ற நிஃப்டி, இறுதியில் 78.90 புள்ளிகளை (0.34 சதவீதம்) இழந்து 23,453.80-இல் நிறைவடைந்தது. நிஃப்டி பட்டியலில் 21 பங்குகள் ஆதாயப் பட்டியலிலும் 29 பங்குகள் வீழ்ச்சிப் ட்டியலிலும் இருந்தன.