செய்தி மடல்
இ-பேப்பர்
/
இந்தியாவின் வங்கி அல்லாத முன்னணி நிதி நிறுவனங்களில் ஒன்றாகத் திகழும் எல் & டி பைனான்ஸின் வரிக்குப் பிந்தை லாபம் நடப்பு நிதியாண்டின் இரண்டாவது காலாண்டில் ரூ.696 கோடியாக அதிகரித்துள்ளது.
இது குறித்து வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
2023-24-ஆம் நிதியாண்டின் ஜூலை-செப்டம்பா் காலாண்டுடன் ஒப்பிடுகையில் நடப்பு நிதியாண்டின் அதே காலாண்டில் நிறுவனத்தின் வரிக்குப் பிந்தைய லாபம் 17 சதவீதம் அதிகரித்து ரூ.696 கோடியாக உள்ளது. அதே போல், நடப்பு நிதியாண்டின் இரண்டாவது காலாண்டில் நிறுவனத்தின் மொத்த கடனளிப்பு கடந்த நிதியாண்டின் அதே காலகட்டத்தைவிட 28 சதவீதமும், நடப்பு நிதியாண்டின் முதல் காலாண்டைவிட (ஏப்ரல்-ஜூன்) 18 சதவீதமும் அதிகரித்து ரூ.88,975 கோடியாக உள்ளது.
மதிப்பீட்டுக் காலாண்டில் சில்லறைக் கடனளிப்பு 12 சதவீதம் அதிகரித்து ரூ.15,092 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.
