மும்பை: அமெரிக்க கட்டண காலக்கெடுவுக்கு முன்னதாக எச்டிஎஃப்சி வங்கி, எல்&டி மற்றும் ரிலையன்ஸ் இண்டஸ்ட்ரீஸ் ஆகிய பங்குகளில் விற்பனை அழுத்தத்தால், சென்செக்ஸ் மற்றும் நிஃப்டி சரிவுடன் முடிவடைந்தன.
இன்றைய வர்த்தகத்தில் சென்செக்ஸ் 287.60 புள்ளிகள் சரிந்து 83,409.69 ஆகவும், நிஃப்டி 88.40 புள்ளிகள் சரிந்து 25,453.40 ஆகவும் நிலைபெற்றது.
சென்செக்ஸில் இன்ஃபோசிஸ், டெக் மஹிந்திரா, டாடா ஸ்டீல், சன் பார்மா, டாடா கன்சல்டன்சி சர்வீசஸ் மற்றும் டாடா மோட்டார்ஸ் ஆகியவை உயர்ந்த நிலையில் பஜாஜ் ஃபின்சர்வ், ஏசியன் பெயிண்ட்ஸ், பாரத் எலக்ட்ரானிக்ஸ் மற்றும் பஜாஜ் ஃபைனான்ஸ் உள்ளிட்ட பங்குகள் சரிந்து முடிந்தன.
நிஃப்டி-யில் ஸ்ரீராம் ஃபைனான்ஸ், பஜாஜ் ஃபின்சர்வ், இண்டஸ்இண்ட் வங்கி, எச்டிஎஃப்சி லைஃப், எல் அண்ட் டி உள்ளிட்ட பங்குகள் சரிந்த நிலையில் டாடா ஸ்டீல், ஜேஎஸ்டபிள்யூ ஸ்டீல், அல்ட்ராடெக் சிமென்ட், மாருதி சுசுகி, ஆசிய பெயிண்ட்ஸ் ஆகியவை உயர்ந்து முடிவடைந்தன.
துறைவாரியாக உலோகக் குறியீடு 1.4 சதவிகிதமும், நுகர்வோர் பொருட்கள் குறியீடு 1 சதவிகிதம் உயர்ந்தது. அதே நேரத்தில் பொதுத்துறை வங்கி, மூலதனப் பொருட்கள், ரியல் எஸ்டேட், ஊடகம், மின்சாரம் 0.4 முதல் 1.4 சதவிகிதம் வரை சரிந்து முடிந்தன.
பிஎஸ்இ மிட்கேப் மற்றும் ஸ்மால்கேப் குறியீடுகள் தலா 0.2 சதவிகிதம் சரிந்தன.
உற்பத்தி மற்றும் புதிய ஆர்டர்களில் ஏற்பட்ட மேம்பட்ட போக்குகள் மற்றும் வேலைவாய்ப்பு அதிகரிப்பு ஆகியவற்றால் இந்தியாவின் உற்பத்தித் துறை வளர்ச்சி ஜூன் மாதத்தில் 14 மாதங்களில் இல்லாத அளவுக்கு 58.4 ஆக உயர்ந்தது.
போட்டி எதிர்ப்பு நடத்தை குறித்து விசாரணை நடத்த சிசிஐ உத்தரவிட்ட போதிலும், ஏசியன் பெயிண்ட்ஸ் பங்குகள் 2.5% வரையிலும் உயர்ந்தது மடிந்தது. அதே வேளையில் கோல்ட்மேன் சாக்ஸ் இண்டஸ்இண்ட் வங்கி பங்குகளை மதிப்பீடுகளில் 'விற்க' என்ற தெரிவித்ததால் 2.6% சரிவுடன் முடிவடைந்தன.
மாதாந்திர விற்பனை தரவுகளில் ஓரளவு விற்பனை அதிகரிப்பு இருந்தபோதிலும் ஹூண்டாய் மோட்டார் பங்குகள் கிட்டத்தட்ட 6 சதவிகிதம் சரிந்தது.
ஆப்பிரிக்க ரயில் நிறுவனத்திடமிருந்து $3.6 மில்லியன் மதிப்புள்ள ஆர்டர் பெற்றதில் ரைட்ஸ் பங்குகள் கிட்டத்தட்ட 6 சதவிகிதம் உயர்ந்தன.
பிரான்சை தளமாகக் கொண்ட செர்பைர் (CERBAIR) நிறுவனத்திடமிருந்து அதன் பிரிவுக்கு ட்ரோன் எதிர்ப்பு அமைப்புகள் விநியோக ஆர்டரைப் வென்ற பிறகு, பராஸ் டிஃபென்ஸ் நிறுவனத்தின் பங்குகள் 4 சதவிகிதம் உயர்ந்தன.
ரூ.3,000 கோடி ஜிடிவி உடன் கிளஸ்டர் மறுவளர்ச்சிக்காக அந்தேரி மேற்கு தேர்ந்தெடுக்கப்பட்ட பிறகு, கீஸ்டோன் ரியல்டர்ஸ் பங்குகள் 3 சதவிகிதம் உயர்ந்தன. 3 ஆண்டுகளில் பங்கு இரட்டிப்பாகும் என்று மெக்குவாரி கூறியதை அடுத்து டாடா கம்யூனிகேஷன்ஸ் பங்குகள் 4% உயர்வுடன் முடிவடைந்தன.
காமா ஹோல்டிங்ஸ், அசாஹி இந்தியா, ஜே.கே. லட்சுமி சிமென்ட், சாய் லைஃப் சயின்சஸ், எஸ்.ஆர்.எஃப், அல்ட்ராடெக் சிமென்ட், சோழமண்டலம் ஃபைனான்சியல் ஹோல்டிங்ஸ், லாரஸ் லேப்ஸ், டால்மியா பாரத், ராம்கோ சிமென்ட்ஸ், பாரதி ஏர்டெல், டிவிஸ் லேப்ஸ், ஃபெடரல் வங்கி, எல்.டி ஃபைனான்ஸ், ஏயூ ஸ்மால் ஃபைனான்ஸ், சிட்டி யூனியன் வங்கி உள்ளிட்ட 140க்கும் மேற்பட்ட பங்குகள் பிஎஸ்இ-யில் 52 வார உச்சத்தைத் தொட்டன.
பங்குச் சந்தையில் பட்டியலிடப்பட்ட புதிய நிறுவனங்கள்:
எச்டிபி பைனான்சியல் பங்குகள் அதன் ஐபிஓ விலையை விட நல்ல பிரீமியத்தில் பட்டியலிடப்பட்ட பிறகு 13.5 சதவிகிதம் அதிகரித்து ரூ.840.30 இல் முடிந்தது.
சம்ப்வ் ஸ்டீல் டியூப்ஸ் பங்குகள் ஒரு பங்கின் ஐபிஓ விலையான ரூ.82 ஐ விட 34.15 சதவிகிதம் அதிக விலையில் பட்டியலிடப்பட்ட பிறகு 19.5 சதவிகிதம் அதிகரித்து ரூ.97.99 இல் முடிவடைந்தது.
Summary: The Indian benchmark indices ended lower in a volatile session on July 2, with Nifty below 25,500 amid selling seen
இதையும் படிக்க: 2025 பிரைம் டே: அமேஸானின் 3 நாள் சிறப்பு விற்பனை
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.