செய்தி மடல்
இ-பேப்பர்
இந்தியாவின் ஒன்பது முக்கிய நகரங்களில் வீடுகள் விற்பனை கடந்த 2024-ஆம் ஆண்டில் 12 சதவீதம் அதிகரித்துள்ளது.
இது குறித்து சந்தை ஆலோசனை நிறுவனமான ப்ராப்ஈக்விட்டி வெளியிட்டுள்ள அறிக்கையில் குறிப்பிடப்பட்டுள்ளதாவது:
கடந்த 2024-ஆம் ஆண்டில் சென்னை, தில்லி-என்சிஆா், மும்பை பெருநகரப் பகுதி, கொல்கத்தா, பெங்களூரு, ஹைதராபாத், தாணே, குருகிராமம், புணே ஆகிய ஒன்பது நகரங்களில் ரூ.6.73 லட்சம் கோடிக்கு வீடுகள் விற்பனையாகின. முந்தைய 2023-ஆம் ஆண்டுடன் ஒப்பிடுகையில் இது 12 சதவீதம் அதிகம். அப்போது குறிப்பிட்ட நகரங்களில் வீடுகளின் ஒட்டுமொத்த விற்பனை ரூ. 6 லட்சம் கோடியாக இருந்தது.
மதிப்பீட்டு ஆண்டில் வீடுகள் விற்பனை அதிகரித்தில் சொகுசு வீடுகள் முக்கியப் பங்கு வகித்தன.கடந்த 2024-ஆம் ஆண்டில் வீடுகள் விற்பனை குருகிராமில் ரூ.1,06,739 கோடியாக உயா்ந்துள்ளது. முந்தைய 2023-ஆம் ஆண்டில் இது ரூ.64,314 கோடியாக இருந்தது.தில்லி-என்சிஆா் பகுதியில் வீடுகள் விற்பனை கடந்த 2024-ஆம் ஆண்டில் 63 சதவீதம் அதிகரித்து ரூ.1,53,000 கோடியாக உள்ளது. முந்தைய 2023-ஆம் ஆண்டில் இது ரூ.94,143 கோடியாக இருந்தது.
மதிப்பீட்டு ஆண்டில் வீடுகள் விற்பனை மும்பையில் 13 சதவீதம் அதிகரித்து ரூ.1.38 லட்சம் கோடியாக உயா்ந்துள்ளது. இது 2023-ஆம் ஆண்டில் ரூ.1.22 லட்சம் கோடியாக இருந்தது.தாணேவில் கடந்த 2023-ஆம் ஆண்டு ரூ.53,000 கோடியாக இருந்த வீடுகள் விற்பனை 2024-இல் 6 சதவீதம் அதிகரித்து ரூ.56,000 கோடியாக உள்ளது.புணேவில் வீடுகள் விற்பனை கடந்த 2024-இல் ரூ.77,000 கோடியிலிருந்து 1 சதவீதம் குறைந்து ரூ.76,000 கோடியாக உள்ளது.மதிப்பீட்டு ஆண்டில் வீடுகள் விற்பனை நவி மும்பையில் 32 சதவீதம் அதிகரித்து ரூ.25,000 கோடியாக உள்ளது. முந்தைய 2023-ஆம் ஆண்டில் அது ரூ.19,000 கோடியாக இருந்தது.2023-இல் வீடுகள் விற்பனை ஹைதராபாதில் ரூ.1.28 லட்சம் கோடியாக இருந்தது.
இது 2024-ஆம் ஆண்டில் 18 சதவீதம் குறைந்து ரூ.1.05 லட்சம் கோடியாக உள்ளது.மதிப்பீட்டு ஆண்டில் வீடுகள் விற்பனை பெங்களூரில் ரூ.75,000 கோடியிலிருந்து 13 சதவீதம் அதிகரித்து ரூ.85,000 கோடியாகவும், சென்னையில் ரூ.19,000 கோடியிலிருந்து 5 சதவீதம் அதிகரித்து ரூ.20,000 கோடியாகவும் உயா்ந்துள்ளது.கொல்கத்தாவில் கடந்த 2023-ஆம் ஆண்டில் ரூ.13,000 கோடியாக இருந்த வீடுகள் விற்பனை 15 சதவீதம் அதிகரித்து ரூ.15,000 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
