புதிய வருமான வரிச் சட்டம் அமலானது: வருமான வரித் துறை

புதிய வருமான வரிச் சட்டம் ஏப். 1 முதல் அமலானது என்று வருமான வரித் துறை அறிவித்துள்ளது.

இது குறித்து வெளியிடப்பட்டுள்ள அறிக்கையில் : இந்தியாவின் நேரடி வரி செலுத்தும் முறையில் ஒரு மைல்கல் சீர்திருத்தமாக ‘வருமான-வரி சட்டம், 2025’ அமைந்துள்ளது.

நாட்டின் வருமன-வரி சட்டத்தை நவீனப்படுத்தவும் எளிமையாக்கவும் ஒரு பெரும் முயற்சியாக இது அமைந்துள்ளது. 60 ஆண்டுகள் பழமையான வருமான-வரி சட்டம், 1961-க்கு மாற்றாக இது அமைந்துள்ளது.

வரி கொள்கையில் மாற்றமின்றி, ஆனால், பெருந்தெளிவுடனும் எளிமையான மொழியடக்கம், வடிவம் மற்றும் வாசகர் எளிதில் புரிந்துகொள்ளும் விதத்தில் காட்சிப்படுத்தப்பட்டுள்ளது.

நாடாளுமன்றத்தில் கடந்தாண்டு, ஆகஸ்ட்டில் நிறைவேற்றப்பட்ட இந்த மசோதா குடியரசுத் தலைவரின் ஒப்புதலையும் பெற்று வருமான-வரி சட்டம், 2025-ஆக வடிவம் பெற்றது.

வருமான-வரி 2026-இன் விதிகள் அனைத்தும், நேரடி வரிகளுக்கான மத்திய வாரியத்தால் கடந்த மார்ச் 20-இல் குறிப்பிடப்பட்டன. அதில், புதுச் சட்டத்தின் விதிகளை செயல்படுத்துவதைப் பற்றி குறிப்பிடப்பட்டது.

அது தொடர்பான புதிய படிவங்களும் குறிப்பிடப்பட்டுள்ளன. படிவங்கள் எளிமையாக்கப்பட்டிருப்பதுடன் செயல்முறைகளும் எளிமைப்படுத்தப்பட்டுள்ளன.

அச்சட்டம் ஏப். 1, 2026 முதல் அமலானதைத் தொடர்ந்து, வருமான-வரி சட்டம், 2025 இந்திய வரி நிர்வாகத்தில் ஒரு புதிய பாகத்தைக் குறிக்கிறது. அத்துடன், அகண்ட பாரதம் முயற்சிக்கான ஒரு முக்கிய நடவடிக்கையாகவும் அமைந்துவிட்டது என்று தெரிவிக்கப்பட்டுள்ளது.