பகுதி - 56

வேல் விருத்தத்தின் பத்தாவதும் இறுதியானதுமான பாடல், நாவை வளைத்து வேலை வாங்குவது. இதில் ஒவ்வொரு அடியிலும் 2, 6, 10, 14, 18, 22, 26ம் எழுத்துகள் நெடிலாக இருப்பதைக் காணலாம். மெய்யெழுத்து ஒவ்வொரு அடிக்கும் கடைசியில் மட்டும் பயில்வதையும், ஒருசில இடங்களில் மட்டுமே இடையில் வருவதையும் கவனிக்கலாம். (படிக்கும் வசதிக்காகப் பிரித்திருக்கும் இடங்களில் மெய்யெழுத்து இருக்கும். அவை கணக்கில் வராதவை.)

படிப்பதற்குச் சற்று சிரமமான பாடலென்றாலும், முறையாக, நிதானமாக, சீர்சீராகச் சொல்லிப் பயிற்சி செய்தால் சிரமமின்றிச் சொல்ல முடிகின்ற ஒன்றுதான். நெட்டெழுத்துகள் சுழன்று சுழன்று வந்தாலும், ‘சிலாவட’ என்று தொடங்கும் இரண்டாம் அடியில், கலாவிநோத என்பது கலாவிநொத என்றும், முகாவிலோசனா என்பது முகாவிலொச னா என்றும் குறுகியிருப்பது குறுக்கல் விகாரம் எனப்படும். சற்றுப் பிடிவாதத்துடன் பயிலும் எவருக்கும் இந்தப் பாடல் எளிதாகச் சொல்ல வரும் ஒன்றுதான்.

வலாரியல லாகுலமி லாதகல வேகரிய
மாலறியு நாலு மறைநூல்

வலானலை விலானசி விலான்மலை விலானிவர்
மநோலய உலாசம் உறவே

உலாவரு கலோலம கராலய சலங்களும்
உலோகநிலை நீர்நிலையிலா

வொலாவொலி நிசாசரர் உலோகம தெலாமழல்
உலாவிய நிலாவு கொலைவேல்

சிலாவட கலாவிநொ தவாசிலி முகாவிலொச
னாசின சிலாத ணிவிலா

சிலாமலர் எலாமதிய மோதமதி சேலொழிய
சேவக சராப முகிலாம்

விலாசகலி யாணகலை சேரபசு மேலைமுலை
மேவிய விலாச அகலன்

விலாழியி னிலாழியகல் வானில்அனல் ஆரவிடு
வேழம்இளை ஞன்கை வேலே.

</p><p align="JUSTIFY"> </p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/231805029&auto_play=false&hide_related=false&show_comments=true&show_user=true&show_reposts=false&visual=true" width="75%" /></p>