பகுதி - 59

மயில் விருத்தத்தின் காப்புச் செய்யுளைப் பிரித்துப் பொருள் காண்போம்.

</p><p align="JUSTIFY"> </p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/231955592&auto_play=false&hide_related=false&show_comments=true&show_user=true&show_reposts=false&visual=true" width="75%" /><br /> </p><p align="JUSTIFY">காப்புச் செய்யுளாக விநாயகனைச் சொல்லி அவர் மூலமாகக் கந்தனை வணங்குகிறார். எப்போதும் வண்ணவிருத்தமாகவே அமையும் பாடல்களில் இது அபூர்வமான சந்த விருத்தம். இறுக்கமான தளைக்கட்டுகள் சற்றே தளர்ந்த பாடல் இது.</p><p align="JUSTIFY"><br />சரவண குரவணியும் என்கிறாரல்லவா, இது குரவ மலர். நன்றி: <a href="http://karkanirka.org/2009/04/23/99tamilflowers_index/" target="_blank">http://karkanirka.org/2009/04/23/99tamilflowers_index/</a></p><p align="JUSTIFY"> </p><p align="JUSTIFY"><br /><img alt="kuravam.jpg" id="_ae5bd210-41eb-4b6f-9e2e-9ebcedf46e4e" src="internal:/article/3126367" width="120" /> </p><p align="JUSTIFY"><strong>பதவுரை</strong></p><p align="JUSTIFY"><br /><strong>சந்தன</strong> ... சந்தனம்</p><p align="JUSTIFY"><strong>பாளித</strong> ... பச்சைக் கற்பூரம்</p><p align="JUSTIFY"><strong>குங்குமம்</strong> ... குங்குமம் போன்ற வாசனைப் பொருட்களைப் பூசியதும்,</p><p align="JUSTIFY"><strong>புளகித</strong> ... மகிழ்ச்சியை ஊட்டுவதும்,</p><p align="JUSTIFY"><strong>சண்பக</strong> ... சண்பக மாலையை அணிந்துள்ளதும்,</p><p align="JUSTIFY"><strong>கடக</strong> ... தோள் வளைகளை அணிந்துள்ளதுமான,</p><p align="JUSTIFY"><strong>புய</strong> ... திருத் தோள்களை உடைய,</p><p align="JUSTIFY"><strong>சமர சிகாவல</strong> ... போர் வல்லவனே, மயில் வாகனனே,</p><p align="JUSTIFY"><strong>குமர</strong> ... குமாரனே,</p><p align="JUSTIFY"><strong>ஷடாநந</strong> ... ஆறுமுகத்தோனே (ஷட்: ஆறு, ஆனன: முகம்),</p><p align="JUSTIFY"><strong>குரவு அணியும்</strong> ... குரா மலர்களை அணிந்தவளும்,</p><p align="JUSTIFY"> </p><p align="JUSTIFY"><strong>கொந்தள பார</strong> ... பாரமான கூந்தலை உடையவளும்,</p><p align="JUSTIFY"><strong>கிராத புராதனி கொண்க</strong> ... வேடர்குலத்தில் தோன்றிய பழையோளாகிய வள்ளிப் பிராட்டிக்குக் கணவா,</p><p align="JUSTIFY"><strong>எனப் பரவும்</strong> ... என்று போற்றப்படுபவனே,</p><p align="JUSTIFY"><strong>சரவண</strong> ... சரவணப் பொய்கையில் உதித்தவனே,</p><p align="JUSTIFY"><strong>குஞ்சரி மஞ்சரி தோய்</strong> ... ஐராவதமாகிய குஞ்சரத்தால் வளர்க்கப்பட்டவளும், தளிர்போன்ற மேனி நலத்தவளுமான தேவானையைத் தழுவுபவனே,</p><p align="JUSTIFY"><strong>கந்த</strong> ... கந்தா,</p><p align="JUSTIFY"><strong>கிருபாகர</strong> ... கருணையின் உறைவிடமே,</p><p align="JUSTIFY"><strong>கோமள கும்ப கர அதிப</strong> ... அழகான குடம் போன்ற மத்தகத்தை உடையவரும்,<br /><br /><strong>மோக ரத ... </strong>விருப்பத்தை ஊட்டுபவரும்</p><p align="JUSTIFY"><strong>கர முக சாமர கர்ண</strong> ... முகத்தில் விளங்கும் கரமான துதிக்கையை உடையவரும் (வீசுகின்ற) கவரியை ஒத்த பெரிய காதுகளை உடையவரும்,<br /><br /><strong>விசால கபோல விதான மத</strong> ... அகன்ற கன்னத்தில் மத நீர் பெருக்கை உடையவரும்</p><p align="JUSTIFY"><strong>எந்தை</strong> ... எம் தந்தையாக விளங்குபவரும்,</p><p align="JUSTIFY"> </p><p align="JUSTIFY"><strong>மகோதர</strong> ... பெருத்த வயிற்றைக் கொண்டவரும்,</p><p align="JUSTIFY"><strong>மூஷிக வாகன</strong> ... பெருச்சாளியை வாகனமாக உடையவரும்,<br /><br /><strong>சிந்துர பத்ம முக</strong> ... சிவந்த தாமரையைப் போன்ற முகத்தைக் கொண்டவரும்,<br /><br /><strong>சிவ சுத கணபதி</strong> ... சிவ குமாரனாகிய கணபதி (என்றும்),</p><p align="JUSTIFY"><strong>விக்ன விநாயக</strong> ... விக்னங்களை நீக்கும் விநாயகர் (என்றும் போற்றப்படும்),<br /><br /><strong>தெய்வ சகோதரனே</strong> ... தெய்வத்துக்கு சகோதரனே,</p><p align="JUSTIFY"><strong>கூதள சீதள பாதம் எனக்கு அருள்</strong> ... நீல சங்குப் பூக்களைச் சூடிய உன் குளிர்ச்சியான பாதத்தை எனக்கு அளித்தருள வேண்டும்.<br /><br />சுருக்கமாக,</p><p align="JUSTIFY">சந்தனம் முதலான வாசனைத் திரவியங்களைப் பூசியதும், சண்பகமாலை, கடகம் ஆகியவற்றை அணிந்ததுமான தோளைக் கொண்டவனே! மயிலை வாகனமாக உடைய போர் வல்லனே! சரவணப் பொய்கையில் உதித்தவனே! குரா மலர்களைச் சூடிய பாரமான கூந்தலை உடையவளும் வேடர் குலத்தில் உதித்தவளுமான வள்ளிக்கு மணாளன் என்று போற்றப்படுபவனே! ஐராவதமாகிய யானையால் வளர்க்கப்பட்டவளான தேவானையைத் தழுவி மகிழ்பவனே! கந்தனே! கருணைக்கு உறைவிடமே!</p><p align="JUSTIFY">அழகிய குடம்போன்ற மத்தகத்தை உடையரும், தலைவரும் (அதிபர்) விருப்பத்தை ஊட்டக்கூடியதும் தும்பிக்கையோடு கூடியதுமான முகத்தை உடையவரும், வீசப்படும் கவரியைப் போன்ற பெரிய காதுகளை உடையவரும், அகன்ற கன்னத்தில் ஊறுவதான மதப்பெருக்கை உடையவரும், ஒற்றைத் தந்தத்தினரும், பெரிய வயிற்றை உடையவரும், பெருச்சாளி வாகனரும். சிவந்த தாமரையைப் போன்ற மலர்ந்த முகங்கொண்டவரும், சிவகுமாரனுமான, விக்னங்களைக் களையும் விநாயகருடைய சகோதரனே!</p><p align="JUSTIFY">நீலச் சங்குப் பூக்களை அணிந்த உன் குளிர்ச்சியான பாதங்களை எனக்கு அளித்ருள்வாயாக.</p><p align="JUSTIFY">வள்ளியைப் புராதனி என்று சொல்வது கவனிக்கத்தக்கது. இவள் இளையவளே ஆனாலும் மிகப் பழையோள் என்பது குறிப்பு.</p><p> </p>