பகுதி - 65

மயில் விருத்தத்தின் மூன்றாம் பாடலுக்கான பொருளையும் திரண்ட கருத்தையும் பார்ப்போம். மயிலுடைய நடனத்தால் பாதாளலோகமும் மூதண்டமும் கிடுகிடுப்பது தொடர்கிறது.

</p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/232870654&auto_play=false&hide_related=false&show_comments=true&show_user=true&show_reposts=false&visual=true" width="75%" /></p><p align="JUSTIFY"><br /><strong>ஆதார</strong> ... பூமண்டலத்துக்கு ஆதாரமாக விளங்கும்,</p><p align="JUSTIFY"><strong>பாதாளம் பெயர</strong> ... பாதாள லோகம் நடுங்கவும்,</p><p align="JUSTIFY"><strong>அடி பெயர</strong> ... (மயில் தன்னுடைய) பாதத்தை எடுத்து வைத்ததுமே,</p><p align="JUSTIFY"><br /><strong>மூதண்ட முகடது பெயரவே</strong> ... மிகவும் தொன்மையான பிரமாண்டத்தின் உச்சியானது பெயர்ந்து உதிரவும்,</p><p align="JUSTIFY"><strong>ஆடரவ முடி பெயர</strong> ...(இந்த உலகத்தைத் தாங்கியிருப்பவனான) ஆதிசேடனுடைய ஆடுவதான ஆயிரம் முடிகளும் அசையவும்,</p><p align="JUSTIFY"><strong>எண்திசைகள் பெயர</strong> ... எட்டுத் திக்குகளும் நடுக்கமுறவும்,</p><p align="JUSTIFY"><strong>எறி கவுள் கிரிசரம்</strong>*<strong> பெயரவே</strong> ... (மத நீரைச் சிந்தி) எறிவதான <br />கன்னங்களை உடைய எட்டு திசைகளைத் தாங்கும் எட்டு யானைகள் (அஷ்டதிக் கஜங்கள்) தம்முடைய இடத்திலிருந்து நகரவும்,</p><p align="JUSTIFY"><strong>வேதாள தாளங்களுக்கு இசைய ஆடுவார்</strong> ... பூத கணங்கள் போடும் தாளங்களுக்கு ஏற்ப நடனமாடும் நடராசர்,</p><p align="JUSTIFY"><strong>மிக்கப் பிரியப் பட</strong> ... மிகவும் விருப்பப்படுமாறும், (நடனத்தின் இறைவனான நடராசரே பிரியப்படும்படியாக நடமிடும் மயில்)</p><p align="JUSTIFY"><strong>விடா விழி பவுரி கெளரி கண்டு</strong> ... (மயிலுடைய நடனத்தை) வைத்தகண் வாங்காமல் பார்க்கும் உமையம்மை,</p><p align="JUSTIFY"><strong>உள மகிழ</strong> ... உள்ளத்தில் களிப்புகொள்ளவும்,</p><p align="JUSTIFY"><strong>விளையாடும் விஸ்தார நிர்த்த மயிலாம்</strong> ... பலவகைகளில் விரிவான ஆட்டத்தை ஆடி விளையாடுகின்ற மயிலாகும்</p><p align="JUSTIFY">(இப்படிப்பட்டது யாருடைய மயிலென்றால்)</p><p align="JUSTIFY"><strong>மாதானு பங்கி எனும் மாலது சகோதரி</strong> ... (மாதானுபங்கி என்ற பெயரைக் கொண்ட திருவள்ளுவராக அவதரித்தவரும்) பெருமை மிக்கவருமான பிரமாவின் சகோதரியானவளும்,</p><p align="JUSTIFY">(மாதானுபங்கி என்பது பிரமனுக்குரிய பெயரில்லை; சிவனுக்கு உரியது. இந்த மாதானுபங்கிக்கு வள்ளி சகோதரி என்பதனால், வள்ளுவரைக் குறிக்கும் மாதானுபங்கி என்ற பெயரைக் கொண்டு, வள்ளுவராக அவதரித்த பிரமனைச் சுட்டுவதாக அறிகிறோம். இதற்கான திருவள்ளுவ மாலைப் பாடல்களை நேற்று கொடுத்திருந்தோம். வள்ளியை பிரமனின் சகோதரியாக அருணகிரியார் பல பாடல்களில் பாடியுள்ளார். வள்ளுவரைக் குறித்த பலவிதமான நம்பிக்கைகள் திருப்புகழிலும் விரவிக் கிடக்கக் காண்கிறோம்.)</p><p align="JUSTIFY"><strong>மகீதரி</strong> ... மலையில் பிறந்தவளும்,</p><p align="JUSTIFY"><strong>கிராதகுலி</strong> ... வேடர் வம்சத்தில் வளர்ந்தவள் (கிராதர்:வேடர்),</p><p align="JUSTIFY"><strong>மாமறை முநி குமாரி</strong> ... சிறந்த வேதங்களில் வல்லவராகிய சிவ<br />முனிவரின் புத்திரி,</p><p align="JUSTIFY"><strong>சாரங்கம்</strong> ... மான் வயிற்றில்,**</p><p align="JUSTIFY"><strong>தனி வந்த</strong> ... ஒப்பற்ற வகையில் உதித்த,</p><p align="JUSTIFY"><strong>நம் வள்ளி</strong> ... நமது வள்ளியம்மையின்,</p><p align="JUSTIFY">(<em>விநாயகனை மம விநாயக என்பார்; சிவனை 'என் தந்தை சதாசிவ கோத்திரன்' என்பார்; உமா தேவியை 'எமதாயி' என்பார்; அதுபோல நம் வள்ளி என்கிறார்)</em></p><p align="JUSTIFY"><strong>மணி நூபுர</strong>... ரத்னச் சிலம்புகளை அணிந்துள்ள,</p><p align="JUSTIFY"><strong>மலர்ப்</strong> <strong>பாதார விந்த சேகரன்</strong> ... (பாத அரவிந்தம்: பாதத் தாமரை) பாதங்களை திருவடியில் சூடியவனான முருகனுடைய,<br /><strong>நேயம்</strong> ... அன்பிற்கு உகந்ததாய்,</p><p align="JUSTIFY"><strong>மலரும்</strong> ... பூத்திருக்கும்,</p><p align="JUSTIFY"><strong>உற்பல கிரி</strong> ... நீலோற்பல புஷ்பங்கள் நிறைந்த திருத்தணியில்,</p><p align="JUSTIFY"><strong>அமர்ந்த பெருமாள்</strong> ... வீற்றிருக்கும் பெருமையை உடையவன்,</p><p align="JUSTIFY"><strong>படை நிருத</strong> ... ஆயுதங்களை ஏந்தி வந்த அசுரர்களின்,</p><p align="JUSTIFY"><strong>கடகம் உடைபட</strong> ... சேனைகள் சிதறிப் போகும்படி,</p><p align="JUSTIFY"><strong>நடவு</strong> ... நடத்துகின்ற,</p><p align="JUSTIFY"><strong>பச்சைப் பசும் தோகை வாகை மயிலே</strong> ... பச்சை நிறத்ததான தோகையையுடைய வெற்றி மயிலே அதுவாகும். </p><p align="JUSTIFY">* கிரிசரம், நதிசரம், வனசரம் என்று யானைகள் மூன்று வகைப்படும். மலையில் பிறந்தவை கிரிசரம், ஆற்றுப் படுகைகளில் பிறந்தவை நதிசரம், காடுகளில் பிறந்தவை வனசரம்.</p><p align="JUSTIFY">** தான் வைகுந்தத்துக்குப் போனபோது, சொக்கட்டான் ஆடிக்கொண்டிருந்த திருமாலும் திருமகளும் தன்னை உடனடியாக கவனிக்கவில்லையென்று துர்வாசர் சபித்ததால், வள்ளிமலையில் திருமால் சிவமுனிவராகவும் திருமகள் மானாகவும் தோன்றி, சிவமுனிவர் மானைப் பார்த்த அளவிலே கருவுற்று, வள்ளியை ஈன்றதாகப் புராணச் செய்தி.</p><p align="JUSTIFY"><strong>பாடலின் பொருட் சுருக்கம்</strong></p><p align="JUSTIFY">பிரமதேவனின் தங்கையும், மலையில் தோன்றிய வேடர்குலத்தவளும், வேதம் வல்ல சிவமுனிவருடைய பார்வையால் மானிடத்தில் தோன்றியவளுமான வள்ளிப்பிராட்டியின் ரத்னச் சிலம்புகளை அணிந்த பாத தாமரைகளைத் தன் தலையில் விருப்பத்துடன் சூடிய; தனக்குப் பிரியமான நீலோத்பல மலர்கள் பூக்கின்ற திருத்தணியில் வீற்றிருக்கிற கந்தனுடைய மயில் படைகளுடன் வந்த அசுரர் சேனை எல்லாவற்றையும் பொடிபடுமாறு நடத்திய வெற்றி மயிலாகும். அதுவே,</p><p align="JUSTIFY">ஆதாரமான பாதாள உலகங்கள் அசையவும், பழமையான பிரமாண்டத்தின் உச்சி பெயரவும், மதம் பொழிகின்ற எட்டுதிசை யானைகள் தங்கள் இடத்தைவிட்டு நகரவும், பூதகணங்களின் தாளத்துக்கேற்ப நடனமாடும் நடராசப் பெருமான் விரும்புமாறு ஆடி, அந்த ஆட்டத்தை உமாதேவியார் கண்கொட்டாமல் பார்த்து மகிழ்கின்றவாறு, தன் பச்சைத் தோகையை விரித்தாடும் மயிலுமாகும்.</p>