பகுதி - 916

‘அடியேனுக்கு நீ அனுக்கிரகித்ததை எப்போதும் மறவேன்’ என்று சொல்கின்ற இப்பாடல் பொதுப்பாடல்கள் வரிசையைச் சேர்ந்தது.

அடிக்கு ஒற்றொழித்து 40 எழுத்துகளைக் கொண்ட பாடல்.  ஒன்று, ஆறு, பதினொன்று ஆகிய சீர்களில் இரண்டு நெடிலும் ஒரு குறிலுமாக மூன்றெழுத்துகளும்; இரண்டு, ஏழு, பன்னிரண்டு ஆகிய சீர்களில் ஒரு நெடிலும் ஒரு குறிலுமாக இரண்டெழுத்துகளும்; மூன்று, நான்கு, பதின்மூன்று, பதினான்கு, ஆகிய சீர்களில் இரண்டு குறிலும் ஒரு (கணக்கில் சேராத) வல்லொற்றுமாக இரண்டெழுத்துகளும்; ஐந்து, பத்து, பதினைந்து ஆகிய சீர்களில் மூன்று குற்றெழுத்துகளும் ஒரு (கணக்கில் சேராத) வல்லொற்றுமாக மூன்றெபழுத்துகளும் அமைந்திருக்கின்றன.

தானான தான தத்த தத்த தத்தன

      தானான தான தத்த தத்த தத்தன

      தானான தான தத்த தத்த தத்தன                தனதான

ஆனாத ஞான புத்தி யைக்கொடுத்ததும்

         ஆராயு நூல்க ளிற்க ருத்த ளித்ததும்

         ஆதேச வாழ்வி னிற்ப்ர மித்தி ளைத்துயி      ரழியாதே

      ஆசாப யோதி யைக்க டக்க விட்டதும்

         வாசாம கோச ரத்தி ருத்து வித்ததும்

         ஆபாத னேன்மி கப்ர சித்தி பெற்றினி         துலகேழும்

யானாக நாம அற்பு தத்தி ருப்புகழ்

         தேனூற வோதி யெத்தி சைப்பு றத்தினும்

         ஏடேவு ராஜ தத்தி னைப்ப ணித்ததும்         இடராழி

      ஏறாத மாம லத்ர யக்கு ணத்ரய

         நானாவி கார புற்பு தப்பி றப்பற

         ஏதேம மாயெ னக்க நுக்ர கித்ததும்           மறவேனே

மாநாக நாண்வ லுப்பு றத்து வக்கியொர்

         மாமேரு பூத ரத்த னுப்பி டித்தொரு

         மாலாய வாளி யைத்தொ டுத்த ரக்கரி        லொருமூவர்

      மாளாது பாத கப்பு ரத்ர யத்தவர்

         தூளாக வேமு தற்சி ரித்த வித்தகர்

         வாழ்வேவ லாரி பெற்றெ டுத்த கற்பக        வனமேவும்

தேநாய காஎ னத்து தித்த வுத்தம

         வானாடர் வாழ விக்ர மத்தி ருக்கழல்

         சேராத சூர னைத்து ணித்த டக்கிய           வரைமோதிச்

      சேறாய சோரி புக்க ளக்கர் திட்டெழ

         மாறாதி சாச ரக்கு லத்தை யிப்படி

         சீராவி னால றுத்த றுத்தொ துக்கிய          பெருமாளே.