06.01.1966: புகழ் பெற்ற இசையமைப்பாளர் ஏ.ஆர்.ரகுமான் பிறந்த தினம் இன்று!

அல்லா இரக்கா இரகுமான் என்னும் ஏ .ஆர்.ரகுமான் புகழ் பெற்ற இந்தியத் திரைப்பட இசையமைப்பாளர் ஆவார். பிரபல தமிழ்த்திரைப்பட இயக்குனர் மணிரத்தினம் இயக்கத்தில் 1992-ஆம் ஆண்டு வெளிவந்த  'ரோஜா' திரைப்படத்தின் மூலம் தமிழ்த்திரை உலகில் இசையமைப்பாளராக அறிமுகமானார்.

அதன் பின்னர் இன்று வரை பல இந்தி, தமிழ், ஆங்கிலம் மற்றும் பல மொழித் திரைப்படங்களுக்கு இசையமைத்த இவர் ரசிகர்களால் அன்புடன் 'இசைப்புயல்' என அழைக்கப்படுகிறார்.

ஹாலிவுட் திரைப்படமான ஸ்லம் டாக் மில்லியனியர் என்ற ஆங்கிலத் திரைப்படத்திற்கு இசையமைத்தமைக்காக ஆஸ்கார் விருதுகளை வென்றிருக்கிறார். மேலும் இத்திரைப்பட இசைக்காக இவருக்கு 2008 ஆம் ஆண்டுக்கான கோல்டன் குளோப் விருதும் , பாஃப்டா விருதும் கிடைத்தன. இவ்விரு விருதுகளைப் பெற்ற முதலாவது இந்தியரும் இவரேயாவார்.

இவருக்கு 2010-ஆம் ஆண்டில் இந்திய அரசின் பத்ம பூசண் விருது அளிக்கப்பட்டது. இவர் மெட்ராஸின் மொசார்ட் என்றும் செல்லமாக அழைக்கப்படுகிறார்