தமிழகத்தில் பெண்களுக்கான பாதுகாப்பு கவலை அளிக்கிறது : பிரதமர் மோடி மாற்றத்திற்கானது தே.ஜ. கூட்டணி : பூத் கமிட்டி உறுப்பினர்களுடன் பேசிய பிரதமர் மோடிஅஸ்ஸாம் முதல்வர் ஊழல்வாதி: ராகுல் காந்தி விமர்சனம் வாக்குச்சாவடிகளில் வாக்காளர்களுக்கு பயோ-மெட்ரிக் முறை! உச்ச நீதிமன்றம் நோட்டீஸ் சாத்தூர் பட்டாசு ஆலை விபத்து! ஒருவர் பலி; மூவர் படுகாயம்! திருப்பூரில் நாளை விஜய் சாலைவலம், பிரசாரத்துக்கு அனுமதி! ஹோர்முஸ் நீரிணை இன்றே முற்றுகை! டிரம்ப் அறிவிப்பு கச்சா எண்ணெய் விலை 7% உயர்வு! மீண்டும் 100 டாலரைத் தாண்டியது!
/

மனம் எனும்  மாயப்பேய்:  கவிஞர் இரா .இரவி

Updated On :17 அக்டோபர் 2016, 10:35 am
மனம் ஒரு குரங்கு என்பது  முற்றிலும் உண்மை 
மனத்தைக் கட்டுப்படுத்துவது மனிதனின் கடமை !

குரங்கிலிருந்து வந்தவன் மனிதன் என்பதால் 
குரங்கின் குணம் கொஞ்சம் இருப்பது உண்டு !

விலங்கு குணம் மனிதனுக்கு வரும் அதனை 
விவேகமாகச் சிந்தித்து அகற்றிட வேண்டும் !

மனம் இரண்டு வகை உண்டு உணர்ந்திடுக 
மனதில் தேவதை உண்டு சாத்தானும்  உண்டு !

தேவதை நல்லது மட்டுமே சொல்லும் 
தவறாது கேட்டு நடந்தால் வாழ்க்கை சிறக்கும் !

சாத்தானின் கெட்டதுக்குச்  செவி சாயத்தால்
சீரழிவிற்கு உடன் வழி  வகுக்கும் !

அடுத்தவரின் உயர்வினைக்   கண்டு 
அந்த தேவதை மனம் மகிழ்ந்து வாழ்த்தும் !

சாத்தானோ பொறாமைத் தீ வளர்க்கும் 
செவி சாய்க்காமல் இருப்பது நலம் !

எண்ணம் போல வாழ்க்கை என்பது 
என்றும் முற்றிலும் உண்மை !

நல்லது எண்ணிட நல்லது நடக்கும் 
அல்லது எண்ணிட அல்லது நடக்கும் !

உதவி செய்யும் உள்ளம் இருந்தால் 
உயர்வு வாழ்க்கையில் தானாக அமையும் !

தனக்காக தன்னல வாழ்வு விடுத்து 
தன்னை நம்பியவர்களுக்காக வாழ்வது சிறப்பு !

என்ன நினைத்தாய் என்று கேட்டால் உடன் 
இன்னது நினைத்தேன் எனச் சொல்லும் !

நினைவு நல்லது எப்போதும் வேண்டும் 
நினைவு செயல் சொல் நல்லது வேண்டும் !

மனதாலும் மற்றவருக்கு தீங்கு நினைக்காது 
மனத்தைச்  செம்மையாக வைத்திருக்க வேண்டும் !

கெட்ட எண்ணங்களை உடன் நீக்கிட வேண்டும் 
நல்ல எண்ணங்களை மட்டுமே வைத்திடல் வேண்டும் !

தான் என்ற அகந்தை ஒருவருக்கு வந்துவிட்டால் 
தள்ளிவிடும் படு பாதாளத்தில் கவனம் வேண்டும் !

மனசாட்சிக்குப் பயந்து வாழ்வதே சிறப்பு 
மனம் ஒரு கோயில் மதித்து வாழ வேண்டும் !

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.