ஜன்னல் நிலா: ஆப்ரகாம் வேளாங்கண்ணி 

விண்ணின் நிலா உலா வந்தென்ன 
என்னையும் நிலா உனக்கு ஒப்பாக்கி
ஜன்னல் நிலா" என்றெனைச் சொல்லி
உச்சபட்ச வார்த்தைகளால் என்னை•••

உசுப்பேத்தி விட்டுவிட்டு
போனவனை
காணவில்லை வெகுநாளாய் மீண்டும் 
வருவானோ மாட்டானோ
மனநிறைவு  
இல்லாமலே வாடுகின்றேன்
கண் பூத்து•••

இமையை இமையாமல்
இமையில்லா
பூச்சிகள் போல் விழிகள்  திறந்திருக்கும்
என் கண்ணில் படுவானா
நெஞ்சைத் 
தொடுவானா ஓடிப்போய் மறைவானா•••

ஏக்கமோ பெரும் ஏக்கம்
தூக்கமே  
இல்லையடா ஒரு ஆக்க  மில்லையெனில்
நானொரு நடைப்பிணமே
சுக்கு நூறாகி 
"ஜன்னல் நிலா" இதோ நான் உனக்காக•••