ஆட்டோக்களில் பேட்டரி திருடிய 3 போ் கைது

Updated On :6 நவம்பர் 2025, 6:59 pm

ஸ்ரீவில்லிபுத்தூரில் ஆட்டோக்களில் பேட்டரி திருடிய அண்ணன், தம்பி, 17 வயது சிறுவன் ஆகிய 3 பேரை போலீஸாா் வியாழக்கிழமை கைது செய்தனா்.

விருதுநகா் மாவட்டம், ஸ்ரீவில்லிபுத்தூா் கீழப்பட்டி தெருவைச் சோ்ந்தவா் சிவா (43). இவா் சிவகாசி சாலையில் கைகாட்டி கோயில் அருகேயுள்ள நிறுத்தத்தில் ஆட்டோ ஓட்டி வருகிறாா். இவரது ஆட்டோ, சுந்தரமகாலிங்கம், ஐயப்பன், மாரிமுத்து ஆகியோரின் ஆட்டோக்களில் பேட்டரிகளை மா்ம நபா்கள் திருடிச் சென்றனா்.

இதுகுறித்த புகாரின் பேரில், ஸ்ரீவில்லிபுத்தூா் நகா் போலீஸாா் வழக்குப் பதிவு செய்து, செங்குளத்தை சோ்ந்த வேலுசாமி மகன்கள் மதன்குமாா் (20), கணேஷ் (18), 17 வயது சிறுவன் ஆகியோரைக் கைது செய்து பேட்டரிகளை பறிமுதல் செய்தனா்.

டிரெண்டிங்