திரைக்கதிர்

பிரபுதேவா, லாரன்ஸ் ஆகியோரின் வரிசையில், "ஹே சினாமிகா' என்கிற படத்தின் மூலம் இயக்குநராக அவதாரம் எடுத்துள்ளார் பிருந்தா. இப்படத்தில் துல்கர் சல்மான், காஜல் அகர்வால்,அதிதி ராவ் உள்ளிட்டோர் நடிக்கின்றனர்.

--------------------------------------------

இசையமைப்பாளர் டி.இமான் தயாரிப்பாளராக தனது புதிய பயணத்தைத் தொடங்கவுள்ளார். டிஐ புரொடக்ஷன்ஸ் எனும் பெயரில் தயாரிப்பு நிறுவனத்தைத் தொடங்கியுள்ளார். இந்த நிறுவனத்தின் மூலம் தரமான சிறு பட்ஜெட் படங்களைத் தயாரிக்க இருக்கிறார் இமான்.

--------------------------------------------

நடிகை தீபிகா படுகோனே இன்ஸ்டாகிராம், சுட்டுரையில் மிகவும் பரபரப்பாக இயங்கி வருகிறார். இந்நிலையில் தன்னுடைய இன்ஸ்டாகிராம், சுட்டுரைப் பதிவுகள் அனைத்தையும் முற்றிலும் அழித்துள்ளார். இது ரசிகர்களுக்கு அதிர்ச்சியை ஏற்படுத்தியுள்ளது.

--------------------------------------------

அஜித் நடிப்பில் "என்னை அறிந்தால்' படத்தின் மூலம் தமிழில் குழந்தை நட்சத்திரமாக அறிமுகமானார் அனிகா. தற்போது ரசிகர்களைக் கவர்வதற்கு அவ்வப்போது மாடர்ன் உடையில் போட்டோஷூட் நடத்தி புகைப்படங்களை வெளியிட்டு வருகிறார். இதற்கு எதிர்மறை கருத்துகள் அதிகமாகப் பதிவாகி வருகின்றன.

--------------------------------------------

தமிழில் "அண்ணாத்த', "சாணிக்காயிதம்' தெலுங்கில் "குட்லக் சகி', "ரங்தே', "ஐனா இஷ்டம் நுவ்வு', "சரக்குவாரி பாட்டா' ஆகிய படங்களிலும், மலையாளத்தில் "மரக்காயர்' படத்திலும் நடித்து வருகிறார் கீர்த்தி சுரேஷ்.

--------------------------------------------

திலீப்குமார் இயக்கத்தில் ஜிப்ரான் இசையமைப்பில் மாதவன், ஷ்ரத்தா ஸ்ரீநாத், ஷிவதா மற்றும் பலர் நடித்து வெளிவந்துள்ள படம் "மாறா'. ஓடிடி தளத்தில் வெளியாகியுள்ள இப்படம், வெகுவாக ரசிகர்களைக் கவரவில்லை. படத்தின் ட்ரெய்லர் ஒரு கோடி பார்வையாளர்களைக் கடந்திருந்தது குறிப்பிடத்தக்கது.

--------------------------------------------

"மின்னலே', "தூள்', "பகவதி, "ஆயிரத்தில் ஒருவன்' படங்களில் கலக்கியவர் ரீமா சென். தொழிலதிபர் ஷிவ் கரன்சிங் என்பவரைக் கரம் பிடித்து சமீபத்தில் வெற்றிகரமாக எட்டாவது திருமண ஆண்டைக் கொண்டாடியுள்ளார் ரீமா. அவருக்கு ருத்ரவீர் சிங் என்ற மகன் இருக்கிறார்.

--------------------------------------------

ஜெயம் ரவி நடித்த "இதயத் திருடன்' படத்தில் நடித்த காம்னா, தொடர்ந்து தமிழில் "மச்சக்காரன்', "ராஜாதி ராஜா', "காசேதான் கடவுளடா' போன்ற படங்களில் நடித்தார். பெங்களூருவில் வசித்து வரும் காம்னா, இரண்டு பெண் குழந்தைகளுக்கு அம்மா. இப்போதும் உடற்பயிற்சியில் கலக்குகிறார்.