சிரி... சிரி...

''என்ன மாமா.. திடீர்னு வந்துட்டீங்க.. இன்னிங்கி எங்க வீட்டில் ரசம் சாதம் மட்டும்தான்..''

''பரவாயில்லைம்மா... சாப்பாட்டை ஆன்லைனில் ஆர்டர் பண்ணிடுங்க/''

-பர்வதவர்த்தினி, பம்மல்.



''தலைவர் ஏன் கவலையா இருக்காரு?''

''அவரோட வாக்கு வங்கி 'வீக்' ஆச்சு.. ஆனாலும், 'மீம்ஸ் வங்கி' ஸ்ட்ராங்கா இருக்காம்.. அதான்..''

-பர்வீன் யூனுஸ், சென்னை.



''ஐயோ அமைச்சரே.. போர் முரசு கொட்டும் சத்தம் கேட்குதே?''

''மன்னா.. உங்கப் பயத்துக்கு அளவே இல்லையா? குட்டி இளவரசர் நாம் வாங்கிக் கொடுத்த ;' முரசை கொட்டிக் கொண்டிருக்கிறார்..''

-எஸ்.தேவராஜ், காஞ்சிபுரம்.



''ஏன் ஒரே நாளில் அந்த வீட்டுக்கு இரண்டு முறை திருட போனாய்...''

''முதல் முறை சி.சி. டி.வி. காமிராவை எடுத்து வர.. இரண்டாம் முறையை நகையைத் திருட...''

- மஞ்சுதேவன், பெங்களூரு.



''குரு பெயர்ச்சி, சனி பெயர்ச்சி ஆகிட்டுதான் இருக்கு.. ஆனா எனக்கு ஒரு வளர்ச்சியுமே

இல்லையோ..''

''அவங்க வேலையை பார்க்கிறத மாதிரி நீயும் வேலை பார்க்கணும்.. செல்போனும், நெட்டுமா இருந்தா...?''

-சங்கீதசரவணன், மயிலாடுதுறை.



''மச்சான் எங்க வீட்டில் விருந்தாளிங்க படுத்தற தொல்லை தாங்க முடியலைடா..?''

''நண்பா.. உன் மனைவிக்கு உடம்பு சரியில்லைன்னு சொல்லி சமைக்காம விட வேண்டியதுதானே..''

''அட நீ வேற.. டெய்லி அவங்களே ஆன்லைனில் சாப்பாடு ஆர்டர் போடுறாங்களே..''

-அ.சுஹைல் ரஹ்மான், திருச்சி.



''உன் மாமியார் கூட தெருவில் நின்னு ஏன் சண்டை பிடிச்சே..?''

''யாருன்னா விடியோ எடுத்து யூ டிபில் போட்டா டிரெண்டா ஆகுமேன்னுதான்..''

-அ.செந்தில்குமார், சூலூர்.

''ஏன்டா.. ஸ்கூலுக்கு புக் எடுத்து வர்றாம செல்போனை எடுத்துன்னு வந்திருக்கே..?''

''இதுல பேஸ் புக் இருக்குது சார்...''



''வெள்ளிக்கிழமை அன்னிக்கு மட்டும் என் மனைவி சைலன்ட் மோடில் இருப்பா..?''

''என்ன சொல்றீங்க/''

''வெள்ளிக்கிழமை அன்னிக்கு என் மனைவி மௌன விரதம் இருப்பான்னு சொன்னேன்..''



''உங்க பையனுக்கு என்ன வேலை..?''

''அவனுக்கு செல்லை தொலைக்கிறதே வேலை..''

-வி.சாரதி டேச்சு, சென்னை.