சிரி... சிரி...

'என்னங்க.. ஆபிஸில் சிரிச்சதுக்காக உங்களுக்கு மெமோ கொடுத்துட்டாங்க?'

'ஆமாம்.. தூக்கத்துல சிரிச்சிட்டேன்.'

- தீபிகா சாரதி, சென்னை-5.



'சார்.. என் மனைவியை ஒருத்தன் கடத்திக் கொண்டு போயிட்டான்...'

'அப்படியா? முதலில் உங்க மனைவியைக் காப்பாத்தணும்.. அதுதான் முக்கியம்...'

'இல்லை சார்.. அவனை பழிவாங்கணும்னா என் மனைவியை மீட்காமலே விட்டுட்றதுதான் ஒரேவழி...'

-ஏ.எஸ்.கோவிந்தராஜன், சென்னை.



'இந்தாங்க இந்த மாச கரண்ட் பில்...'

'இது எதுக்கு என்கிட்டே கொடுக்கிறே...'

'நீங்க வந்தவுடன்தான் என் வாழ்க்கை ஒளிமயமானது.. அதான்...'

-நடேஷ் கன்னா, கல்லிடைக்குறிச்சி.



'என்னங்க... வீட்டில் பெருச்சாளி ஓடவே மாட்டங்குது..'

'விரட்ட, விரட்ட ஓடாத விருந்தாளியா இருக்குன்னு சொல்லேன்...'

-பர்வதவர்த்தினி, பம்மல்.



'வேலை சொல்லியே கொல்றீயேடி? நான் வீட்டைவிட்டு எங்கேயாவது போறேன்...'

'அப்படியே இந்தத் துணிகளை அயர்ன் பண்ண கொடுத்துட்டு போயிடுங்க...?'

-அ.ரியாஸ், சேலம்.



'முதியோர் இல்லத்துல அம்மாவுடன்தான் இருப்பேன்னு என் மனைவி அடம் பிடிச்சாள்...'

'அப்புறம்...'

'அவளை அங்கே சேர்த்துட்டு, அம்மாவை வீட்டுக்கு கூட்டிட்டு வந்துட்டேன்...'



'என்னங்க இது? முதியோர் இல்லத்துல இருந்து விண்ணப்பம் வாங்கிட்டு வந்திருக்கீங்க?'

'நீ தானே அம்மாவை பிரிஞ்சு என்னால் இருக்க முடியலைன்னு சொன்னே...?'

-அ.சுஹைல் ரஹ்மான், திருச்சி.



'வீட்டுல மனைவி, அம்மா ரெண்டு பேரும் சேர்ந்து உதைக்கிற அளவுக்கு என்ன பண்ணீங்க?'

'அம்மா செய்ததும் தப்புதான். அதுக்கு நீ பதிலடி கொடுத்ததும் தப்புதான்னு சொன்னேன்...'



'மனைவியே ஆனாலும் தலையை விரிச்சிப்போட்டுக்கிட்டு நின்னால் நான் பின்னிடுவேன் பின்னி...'

'பின்னல் மட்டும்தானே? பூவும் வச்சு விடுவீங்களா?'



'எங்க அம்மாவுக்கும் உனக்கும் அடிக்கடி சண்டை வர்றதால அவங்களை ஏதாவது ஹோமில் சேர்த்துடலாமுன்னு இருக்கேன் சரசு..'

'வேண்டாம்ங்க.. அங்கே போயி முகம் தெரியாதவங்களிடம் சண்டை போடுவாங்க... பிரச்னை பண்ணுவாங்க.. தேவையா அது...'



'விருந்தாளிங்க.. இன்னிக்கே கிளம்பினாலும் கிளம்பிடுவாங்க.. சரசு...'

'சொன்னாங்களா?'

'எவ்வளவு நாள் தங்குறீங்கன்னு கேட்டேன்.. அது உங்க உபசரிப்பைப் பொறுத்துன்னு சொன்னாங்க?'



'ஆபிஸ் வேலையை வீட்டுல வந்து செய்யாதீங்க... எத்தனை முறை சொல்லியிருக்கேன்...?'

'கொஞ்ச நேரம் என்னை நிம்மதியா தூங்க விடும்மா...?'



'பேசறதுல எனக்கும் என் மனைவிக்கும் ஒரு வித்தியாசம் உண்டு?'

'என்ன வித்தியாசம்...?'

'நான் பட்டும் படாமலும் பேசுவேன்.. என் மனைவி பட்டு, பட்டுன்னு பேசுவா?'

-வி.ரேவதி, தஞ்சாவூர்.