சமையலறை டிப்ஸ்

<   எப்பொழுது காஸ் அடுப்பை அணைப்பதானாலும் முதலில் சிலிண்டரை மூடிவிட்டு மேலே அணையுங்கள். ஒவ்வொரு தடவையும் குழாயில் இருக்கும் எரிவாயு வீணாகாமல் இருக்கும். எரிவாயுவும் ஒருவாரம் அதிகமாகவரும்.

<  புளியை வாங்கி வந்ததுமே அதிலுள்ள கொட்டையையும், நார்களையும் நீக்கிவிட்டு, நன்கு வெயிலில் காயவிட்டு சிறிது கல் உப்பு சேர்த்து ஜாடியில் அடைத்து வைத்துவிட்டால் ஒரு வருடத்திற்கு மேல் புழுக்கள், பூச்சிகள் வராமலிருக்கும்.

<  டப்பாவில் புதிய சாமான்களைப் போடுவதற்கு முன்னால் பழையச் சாமான்களை ஒரு பாலிதின் கவரில் போட்டு கவருடன் டப்பாவின் மேலாக வைத்திருந்து முதலில் அதை உபயோகித்து விட வேண்டும்.

<  இஞ்சி, பூண்டு விழுது சேர்த்து சமைக்கிற எந்த உணவிலும் இஞ்சி 40 சதவிகிதமும் பூண்டு 60 சதவிகிதமும் இருக்குமாறு பார்த்துக் கொள்ளவும்.

<  இஞ்சி, பூண்டு விழுது அரைத்து மொத்தமாக வைத்துக் கொள்ள நினைப்பவர்கள் இஞ்சி, பூண்டு விழுதுடன் உப்புத் தூளும், ஒரு தேக்கரண்டி சூடான எண்ணெய்யும் விட்டுக் கலந்து வைத்தால் கூடுதலான நாள்களுக்கு ஃப்ரெஷ்ஷாக இருக்கும்.