வேப்பம்பூவும் -  அழகும்!

காய்ந்த வேப்பம் பூ 50 கிராம் -  அதை 100 கிராம் தேங்காய் எண்ணெய்யில் போட்டு நன்கு காய்ச்ச வேண்டும். இளம் சூடு பதத்திற்கு ஆறியதும், வேப்பம் பூவுடன் சேர்த்து எண்ணெய்யை தலையில் நன்றாகத் தேய்த்து அரை மணிநேரம் ஊற வைத்துக் குளித்தால், பொடுகு பிரச்னை தீரும். அதிகம் பொடுகு உள்ளவர்கள், வாரத்திற்கு ஒரு முறையோ, இரண்டு முறையோ, மூன்று வாரங்கள் குளித்தால் பொடுகு சுத்தமாக நீங்கி விடும்.

*நல்லெண்ணெய், வேப்பம்பூ கலந்து தலைக்கு தேய்த்து குளித்து வந்தால் பொடுகு தொல்லை நீங்கும்..

*வெள்ளரிக்காய், மஞ்சள், வேப்பம்பூ சேர்த்து அரைத்து  உடலில்  தேய்த்து 10 நிமிடம் கழித்து குளித்து வந்தால், உடல் சிவப்பாக மாறும்.

*சிலருக்கு முன்பக்க முடி உதிர்ந்து, வழுக்கை ஏற்பட்டிருக்கும். இதற்கு, ஒரு தேக்கரண்டி முற்றிய மாம்பழ சதையுடன் வேப்பம்பூ சேர்த்து அரைத்து விழுதாக்கி, அதனுடன் விளக்கெண்ணெய் ஒரு தேக்கரண்டி கலந்து, தலையில் தேய்த்து மசாஜ் செய்ய வேண்டும். பிறகு பயத்தமாவு, கடலை மாவு, சீயக்காய் பொடி மூன்றையும் சம அளவு கலந்து தலைக்குத் தேய்த்து குளிக்க வேண்டும். வாரம் இரண்டு முறை இப்படிச் செய்து வந்தால் முடி உதிர்வது நின்று, முன்புறம் முடி வளர ஆரம்பிக்கும்.

*தினமும் குளிப்பதற்கு முன் ஒரு தேக்கரண்டி வேப்பம் பூ விழுது, அரை தேக்கரண்டி  நல்லெண்ணெய் கலந்து முகத்தில் பூசுங்கள். பருக்கள் மறைந்து விடும். இதிலுள்ள நல்லெண்ணெய், தோலின் பள பளப்பைக் கூட்டி, கூடுதல் மிருதுவாக்கும்