பட்டன் காளான் பக்கோடா

தேவையானவை:

பட்டன் காளான் - கால் கிலோ
கடலை மாவு - முக்கால் கிண்ணம்
அரிசி மாவு (அ) கார்ன் ஃபிளார் - 1 தேக்கரண்டி
கரம் மசாலா - கால் தேக்கரண்டி
பச்சை மிளகாய் - 4
பெரிய வெங்காயம் - 1
உப்பு, எண்ணெய் - தேவைக்கேற்ப

செய்முறை:

காளானை நன்கு அலசி உப்பு கலந்த நீரில் 5 நிமிடம் வேக வைக்கவும். பச்சை மிளகாயை நீளவாக்கில் நறுக்கிக் கொள்ளவும். பெரிய வெங்காயத்தையும் நீளவாக்கில் நறுக்கிக் கொள்ளவும். பின்னர், மேலே குறிப்பிட்டுள்ள பொருள்களை ( எண்ணெய்யை தவிர) தேவையான அளவு தண்ணீர் தெளித்து பிசைந்து கொள்ளவும். பின்னர், வாணலியில் எண்ணெய்விட்டு காய வைத்து, அதில் சிறிய உருண்டைகளாக கிள்ளி காய்ந்த எண்ணெய்யில் போட்டு பொரித்து எடுக்கவும். சுவையான பட்டன் காளான் பக்கோடா தயார்.