மிளகு  - சீரக அடை 

தேவையானவை:

பச்சரிசி  மாவு - ஒரு கிண்ணம்
மிளகு  , சீரகம்  - 1 தேக்கரண்டி
வெங்காயம்  -  ஒன்று
பொடியாக  நறுக்கிய  கறிவேப்பிலை, 
கொத்துமல்லித்தழை  -  சிறிதளவு
எண்ணெய் , உப்பு  -  தேவைக்கேற்ப

செய்முறை:   

மிளகு - சீரகத்தைக் கொர கொரப்பாகப் பொடிக்கவும்.  வெங்காயத்தைப் பொடியாக  நறுக்கவும்.  ஒரு பாத்திரத்தில்  பச்சரிசி மாவு,  பொடித்த மிளகு - சீரகம், உப்பு,  வெங்காயம், கறிவேப்பிலை, கொத்துமல்லித் தழை சேர்த்து, தண்ணீர்  தெளித்துக் கலக்கவும்.  மாவை  வாழை இலை  அல்லது  பிளாஸ்டிக் பேப்பரில் மெலிதான  அடையாகத் தட்டி  தோசைக்கல்லில்  போட்டு,  எண்ணெய் விட்டு மிதமான தீயில்  வேகவிட்டு எடுக்கவும்.