தீபாவளி பட்சண டிப்ஸ்...

ஒரு கப் குலோப் ஜாமீன் மாவுடன் அதே அளவில் சிறிதளவு கேசரி பவுடர் கலந்து,  கட்டியில்லாமல் கரைத்து இரண்டு பங்கு சர்க்கரை, மூன்று பங்கு நெய் சேர்த்துக் கிளறி முந்திரியை வறுத்து போட்டால்  புதுமையான அல்வா ரெடி.

மிக்ஸரில் கறிவேப்பிலையையும்,  பட்டாணியையும் பொரித்துப் போட்டால் சூப்பராக இருக்கும்.  பட்டாணியை ஊறப் போட்டு உப்புப் போட்டு பாதி வெந்தவுடன் எடுத்து வடி கட்டிவிட வேண்டும். பிறகு இதைப் பொரித்தால் வெடிக்காது. மிக்ஸரில் கரகரவென சுவையோடு இருக்கும்.

ரவாலாடு செய்யும்போது, அதனுடன் அவலையும் மிக்ஸியில் ரவை போல் பொடித்து நெய்யில் வறுத்துச் சேர்த்து மூன்று டேபிள் ஸ்பூன்பால் பவுடரையும் கலந்து ருசியான ரவாலாடு பிடிக்கலாம்.

பயத்தம் மாவில் லட்டு செய்யும்போது, குலோப் ஜாமீன் மிக்ஸ் நெய் சேர்த்துக் கொண்டால் ருசியும் மணமும் அருமையாக இருக்கும்.

போளி தட்டும்போது, வாழை இலையைத் திருப்பிப் போட்டுத் தட்டினால் போளி சுருங்காது. நன்றாகத் தட்ட வரும்.

மைசூர் பாகிற்காக கடலைப் பருப்பை மாவாக அரைக்கும்போது, சிறிதளவு முந்திரிப் பருப்பையும் கூடச் சேர்த்து அரைத்தால் மணமும் சுவையும் நன்றாக இருக்கும்.