தக்காளி சேமியா கிச்சடி

தேவையான பொருள்கள்:

தக்காளி-2
சேமியா- 2 கிண்ணம்
பச்சை மிளகாய்- 2
கடுகு- 1 தேக்கரண்டி
கடலைப் பருப்பு- 1 மேசைக் கரண்டி
உளுத்தம் பருப்பு- 1 மேசைக் கரண்டி
பெரிய வெங்காயம்- 1
கேரட் துருவல்- 3 மேசைக் கரண்டி
உடைத்த முந்திரித் துண்டுகள்- 
2 மேசைக் கரண்டி
மஞ்சள் தூள்- 1 சிட்டிகை
பெருங்காயத் தூள்- 1 சிட்டிகை
கறிவேப்பிலை, கொத்துமல்லித் தழை- சிறிதளவு
எண்ணெய்- 6 மேசைக் கரண்டி
உப்பு- தேவைக்கேற்ப

செய்முறை: 

வெறும் வாணலியில் சேமியாவை லேசாக வறுத்து எடுக்கவும். தக்காளி, பச்சை மிளகாயை நறுக்கி மிக்ஸியில் போட்டு நீர்விட்டு கெட்டியாக அரைக்கவும். அடிகனமான வாணலியில் 5 மேசைக் கரண்டி எண்ணெய் விட்டு கடுகு தாளித்து கடலைப் பருப்பு, உளுந்து பருப்பு, முந்திரி சேர்த்து வறுக்கி நறுக்கி வெங்காயம் சேர்த்து வதக்கவும். இத்துடன் கேரட், உப்பு, மஞ்சள் தூள் சேர்த்து வேக விடவும். பாதியளவு வெந்ததும் அரைத்த தக்காளி விழுது, சேமியா, பெருங்காயத் தூள் சேர்த்து நன்றாகக் கிளறி விடவும். பிறகு கறிவேப்பிலை, கொத்துமல்லித் தழை தூவி இறக்கவும்.