கொச்சி நகரில் அரசு நிறுவனங்கள், தனியார் நிறுவனங்கள், தொழிற்சாலைகள் அதிகமிருப்பதால், இங்கு வருகை தரும் பெண்களின் எண்ணிக்கை நாளுக்கு நாள் அதிகரித்து வருகிறது. பெண்கள் பயமின்றி பாதுகாப்புடன் தங்க, கொச்சி மாநகராட்சி 'ஷி' லாட்ஜ்' என்ற புதிய முயற்சியை அறிமுகப்படுத்தியுள்ளது. இந்த விடுதியானது பெண்களுக்காக, பெண்களாலேயே நிர்வகிக்கப்படுகிறது.
சொந்தப் பணி, அலுவலக வேலை, தேர்வுகள்... போன்றவற்றுக்காகப் பெண்கள் தனியே பயணம் செய்வது அதிகரித்திருக்கிறது. உறவினர்கள் அல்லது தோழிகள் இல்லாத நகரங்களில் அவர்கள் தனியே விடுதிகளில் சில நாள்கள் தங்க வேண்டிய கட்டாயம் ஏற்படுகிறது.
பணிபுரியும் பெண்கள் விடுதிகள் சிலவற்றில் மட்டுமே, ஓரிரு நாள்கள் பெண்கள் தங்கிக் கொள்ள வசதிகள் உள்ளன. பெரும்பாலான பெண்களுக்கு சிரமம் உண்டு. இப்படிப்பட்ட பெண்களுக்கு நிம்மதியைத் தந்துள்ளது கேரள அரசு.
கொச்சி நகருக்கு இரவில் தனியாகத் தங்க வேண்டிய கட்டாயத்தில் இருக்கும் பெண்களுக்குப் பாதுகாப்பான தங்கும் வசதியை குறைந்த கட்டணத்தில் வழங்குகிறது. மாணவிகள், பணிபுரியும் பெண்கள் குழுவாக வரும் பெண்கள் பயணிகளே இந்த 'ஷி' விடுதியின் பயனாளிகள்.
கொச்சி மாநகரின் முக்கிய இடங்களில் பெண்களுக்காக மட்டும் செயல்படும் 'ஷி' விடுதிக்கு வந்து செல்ல 24 மணி நேரமும் போக்குவரத்து வசதி உண்டு. விடுதிகள் துவங்கப்பட்ட 9 மாதங்களிலேயே இதுவரை 22,500 பெண்கள் தங்கிச் சென்றுள்ளனர். 9 மாதங்களில் 24 லட்சம் ரூபாய் வருமானத்தை ஈட்டியுள்ளது.
தனி அறையில் ஒரு நாள் தங்க குறைந்தபட்ச வாடகை ரூ.100 மட்டும்தான். அதிகபட்ச வாடகை ரூ.200.
குளியல் அறையுடன் கூடிய அறைகளும், குழுவாக பெண்கள் தங்க அறைகளும் உண்டு. ஒரே சமயத்தில் 160 பெண்கள் தங்கிக் கொள்ள தேவையான அறை வசதிகள் உண்டு. இங்கு சி.சி. டி.வி. காமிராக்களுடன் பாதுகாப்பு வசதி, சிறிய நூலகம், உணவகம், நாப்கின்களைச் சிதைக்கும் கருவி, கழிவு மேலாண்மை, சுத்திகரிக்கப்பட்ட குடிநீர், கழிவு மேலாண்மை, இணைய வசதி உள்ளிட்ட வசதிகள் உள்ளன. மதிய உணவு பத்து ரூபாய் மட்டும்தான். உணவகத்தை 'குடும்பஸ்ரீ' என்ற அமைப்பைச் சேர்ந்த பெண்கள் நடத்துகின்றனர்.
கொச்சிக்கு வரும் பெண்கள் அழைக்க வேண்டிய எண்கள்:
95671 44489 / 9998888777,
-பிஸ்மி பரிணாமன்
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

சோ்வைகாரன்பட்டியில் வாக்குப் பதிவு இயந்திரம் பழுது: 2 மணி நேரம் காத்திருந்த வாக்காளா்கள்

கன்னியாகுமரி மாவட்டத்தில் 75.60 சதவீத வாக்குப்பதிவு!

ஒடிஸாவை வீழ்த்தியது கேரளா

படகுகளில் வந்து வாக்களித்த பழங்குடி வாக்காளா்கள்!
வீடியோக்கள்

ஜனநாயகக் கடமையாற்றிய திரைப்பிரபலங்கள் | Tamil cine actors | TN Election 2026 |
தினமணி செய்திச் சேவை

தவெக தலைவராக விஜய் செலுத்திய வாக்கு! | TVK Vijay |
தினமணி செய்திச் சேவை

பேரவைத் தேர்தல் வாக்குப்பதிவு தொடக்கம்! | #Ajith | #EPS | #Seeman |
தினமணி செய்திச் சேவை

#iranwar | போர் நிறுத்தம் நீட்டிப்பு: ஈரானிடம் டிரம்ப் கேட்பது என்ன? | Donald Trump |
தினமணி செய்திச் சேவை


