ஈரான் போரை முடிவுக்குக் கொண்டு வருவது குறித்து பரிசீலனை: டிரம்ப்பிரதமர் மோடியின் புகைப்படங்களை ஏஐ மூலம் மோசமாகச் சித்திரித்த நபர் கைது!கேரள தேர்தல்: பாஜகவின் 3-ம் கட்ட வேட்பாளர் பட்டியல் வெளியீடு!போர் அச்சுறுத்தல்! பேச்சுவார்த்தை ஒன்றே வழி: குடியரசுத் துணைத்தலைவர்தமிழ்நாட்டின் வளர்ச்சி முழுமையடைய திராவிட மாடல் ஆட்சி தொடர வேண்டும்! - முதல்வர்டி20 தொடருக்காக அயர்லாந்துக்கு சுற்றுப்பயணம் மேற்கொள்ளும் இந்திய அணி!ரஷியா மீது 280 டிரோன்களை ஏவி தாக்குதல் நடத்திய உக்ரைன்!ஈரான் மீதான தாக்குதல்களுக்கு கண்டனம் தெரிவிக்காத மோடி அரசு: காங்கிரஸ் குற்றச்சாட்டுவிஜய் வீட்டுக் கதவைத் தட்டினார் இபிஎஸ்: ஓ. பன்னீர்செல்வம்
/

பறவையைத் தொடர்வோம்...

வரகு கோழி சற்றே பெரிய கோழியினப் பறவை. தலை, கழுத்து மற்றும் உடலின் கீழ்ப்பகுதிகள் கருப்பு நிறத்தில் காணப்படும். கழுத்திலிருந்து ஆரம்பித்து தலைக்குப்பின்னால்

News image
Updated On :19 ஏப்ரல் 2013, 9:12 am

அபி

வரகு கோழி
 
வரகு கோழி சற்றே பெரிய கோழியினப் பறவை. தலை, கழுத்து மற்றும் உடலின் கீழ்ப்பகுதிகள் கருப்பு நிறத்தில் காணப்படும். கழுத்திலிருந்து ஆரம்பித்து தலைக்குப்பின்னால் 4 அங்குல நீளத்துக்கு 3 ரிப்பன் போன்ற சிறகுகள் நீண்டு தொங்கிக் கொண்டிருப்பது பார்க்க அழகு. சிறகின் மற்றப் பகுதிகளில் வெண்மை நிறம் கலந்திருக்கும். பெண் பறவை ஆணைவிடச் சற்றே பெரிதாக இருக்கும். நீண்ட மெல்லிய மஞ்சள் நிறக் கால்களைக் கொண்டிருக்கும். அலகு சற்றே நீளமாகக் கூர்மையாக இருக்கும்.
 இந்தியாவின் மத்திய மற்றும் மேற்குப் பகுதிகளில் அதிகமாக வாழும் பறவை. மழைக்காலங்களில் வேறு இடங்களுக்குக் குடிபெயர்வது உண்டு. பொதுவாக புற்கள் நிறைந்த பகுதிகளில் வசிக்கும். சமயங்களில் பருத்திக்காடுகளிலும் காணப்படும். தானியங்களையும் சிறு பூச்சிகளையும் உணவாகக் கொள்ளும். மற்ற கோழிகளை விட வேகமாகப் பறக்கும். பறக்கும்போது வாத்து பறப்பது போல இருக்கும்.
 ஒரு சமயத்தில் 3 முதல் 4 முட்டைகள் வரை இடும். 21 நாட்களில் முட்டைகளிலிருந்து குஞ்சுகள் வெளிவரும்.
 
 தாமரை இலை கோழி
 
பெரும்பாலும் நீர்நிலைகளில் தாமரை இலை கோழி காணப்படும்.
 கொக்கைப் போல நீண்ட மெல்லிய கால்களைக் கொண்ட பறவை. உடலெங்கும் கருநீலத்திலும் சிறகுகள் மட்டும் வெண்கல நிறத்தில் இருக்கும் அழகிய பறவை. தலையிலிருந்து வெண்மையாக அழகிய பட்டை ஒன்று காணப்படும். வால் பகுதி செம்பழுப்பு நிறம். அலகு மஞ்சள் நிறம்.
 29 செ.மீ. நீளப் பறவை. இதிலும் பெண் பறவை ஆணைவிடப் பெரிதாக இருக்கும்.
 இந்தியாவிலும் தென்கிழக்கு ஆசியாவிலும் அதிகம் காணப்படும் பறவை.
 ஒரு சமயத்தில் கருப்புப் புள்ளிகளுடன் கூடிய வெள்ளை நிற 4 முட்டைகளை இடும்.
 இதன் கூடு பெரும்பாலும் தண்ணீரில் இருப்பதால் மிதந்து கொண்டே இருக்கும்.
 எதிராளி வந்தால் நீருக்குள் மறைந்து கொள்ளும்.
 நீர்வாழ் சிறிய உயிரினங்கள் பிடித்த உணவு.
 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.