பழங்கள்

 பெரிய தாத்தா தோப்பிலே
 பெரிய பெரிய மாமரம்
 மாமரத்தின் கிளை முழுக்க
 கொத்துக் கொத்தாய் மாம்பழம்
 
 தோப்பு வேலி ஓரமாக
 சோடியாக கொய்யா மரம்
 கொய்யா மரக் கிளைமுழுக்க
 கனிந்திருக்கும் கொய்யாப் பழம்
 
 கிணற்று மதில் பக்கமாக
 ஓங்கி நிற்கும் புளியமரம்
 புளிய மரக் கிளைமுழுக்க
 தொங்குகிற புளியம் பழம்
 
 பின்கட்டு மூலையிலே
 அடர்ந்திருக்கும் பலாமரம்
 பலாமரக் கிளைமுழுக்க
 பழுத்திருக்கும் பலாப்பழம்
 
 பார்க்கும்போதே எச்சிலூறும்
 மரத்தைச் சுற்றி ஆடுவோம்
 பறித்துத் தந்த பழத்தையுண்ண
 நாங்கள் போட்டி போடுவோம்.