பென்சில்!

தலையைச் சீவக் கரைந்திடும்

தாளில் படங்கள் வரைந்திடும்!

கலையை உணர்த்தும் எழுதுகோல்

கார்பன் உள்ள பென்சிலே!

வண்ணம் பலவும் கொண்டதே

வாயில் கூர்மை உள்ளதே

எண்ணும் எழுத்தும் மலருதே

எல்லோ ருக்கும் உதவுதே

எளிதில் அழித்துக் கொள்ளலாம்

எளிதில் அளித்து மகிழலாம்

வெளியில் கண்டு, கேட்டவை

விவரம் பலவும் எழுதலாம்

பிறருக்காகத் தன்னையே

புவியில் கொடுத்துக் கலையினைத்

திறந்து வைக்கும் பென்சில்போல்

தியாகம் செய்தே வாழுவோம்!