குறள் பாட்டு: ஆள்வினை உடைமை

பொருட்பால்   -   அதிகாரம்  62   -   பாடல்  6

முயற்சி திருவினை ஆக்கும் முயற்றின்மை 
இன்மை புகுத்திவிடும்.

- திருக்குறள்

முயன்று முயன்று உழைப்பதால்
செல்வம் பெருகி வளர்ந்திடும்
முயற்சியின்றிச் சோம்பலால்
இருந்தால் வறுமை வந்திடும்.

இடைவிடாது முயல்வதால்
எல்லாம் வளம் ஆகிடும்
சோம்பலாக இருப்பதால்
வறுமையில் கொண்டு தள்ளிடும்

-ஆசி.கண்ணம்பிரத்தினம்