ஒன்று சேர்தல்!

மரங்கள் சேர்ந்தால் காடாகும்!
மனங்கள் சேர்ந்தால் நாடாகும்!
கரங்கள் சேர்ந்தால் உறவாகும்!
கலைகள்  சேர்ந்தால் அழகாகும்!

நதிகள் சேர்தல் நலமாகும்!
நாட்டில் உழவு உயர்வாகும்!
மதியோர் சேர்ந்தால் "அவை' யாகும்!
மலர்கள் சேர்ந்தால் மணம் வீசும்!

முகில்கள் சேர்ந்தால் மழையாகும்
மொழிகள் சேர்ந்தால் அறிவாகும்!
பகிர்தல் சேர்ந்தால் பசியாறும்!
பாசம் சேர்ந்தால் பண்பாகும்!

இயலும் இசையும் சேர்ந்திட்டால் 
இனிய தமிழின் சுவை கூடும்!
முயற்சி, உழைப்பு சேர்ந்திட்டால் 
முதிர்ந்த வெற்றி வாழ்வாகும்!
கே.பி.பத்மநாபன்