சரித்திரம் தமிழால் படைத்திடுவாய்!

'விபரம்' என்று எழுதாதே!- தம்பி

'விவரம்' என்றே எழுதிடு!

'பயணமாளிகை' என்று எழுதாதே!- தம்பி

'பயணியர் மாளிகை' என்றெழுது!

'பொழிவு' என்று எழுதாதே!- தம்பி

'பொலிவு' என்றே எழுதிடு!

'சுவற்றில்' என்று எழுதாதே!- தம்பி

'சுவரில்' என்றே எழுதிடு!

'வண்ணாத்திப்பூச்சி' தவறாகும்- தம்பி

'வண்ணத்துப்பூச்சி'யே சரியாகும்!

'அடையார்' என்பது தவறாகும்!

'அடையாறு' என்பதே சரியாகும்!

'கருப்பு' என்பது நிறம் குறிக்கும்- தம்பி

'கறுப்பு' என்பது கபடாகும்!

சரியாய் பேசு! சரியாய் எழுது- தம்பி

சரித்திரம் தமிழால் படைத்திடுவாய்!