ஆரோக்கிய சமையல்

கொள்ளு முழு பயறு சுண்டல்

தேவையானவை:

கொள்ளு - 50 கிராம்

முழு பயறு - 100 கிராம்

பச்சை மிளகாய் - 3

தேங்காய் - அரை மூடி

கொத்துமல்லி - 1 பிடி

இஞ்சி - 1 துண்டு

எலுமிச்சம்பழம் - பாதியளவு

எண்ணெய்,உப்பு - தேவையானது.

செய்முறை: கொள்ளு, பயறு இரண்டையும் லேசாக வறுத்து அரைநாள் தண்ணீரில் ஊற வைக்க வேண்டும். பிறகு குக்கரில் உப்பு சேர்த்து வேக விட வேண்டும். சூடு ஆறியதும் தண்ணீர் இல்லாமல் வடியவிட்டு எடுத்துக் கொள்ள வேண்டும். வாணலியை அடுப்பில் வைத்து எண்ணெய்விட்டு காய்ந்ததும் கடுகு தாளித்து நறுக்கிய பச்சைமிளகாய், இஞ்சி போட்டு வதக்கி கொள்ளும், பயறும் போட்டு கிளற வேண்டும். பிறகு  தேங்காய் துருவல் போட்டு நன்றாகக் கிளறி கீழே இறக்கி எலுமிச்சை சாறு பிழிந்து நறுக்கிய கொத்துமல்லியைத் தூவ வேண்டும்.