திருமணங்களில் பல்வேறு தினுசுகள்

திருமணம் சார்ந்த நிகழ்வுகள் நிறையவே மாறுபடும். உலக அளவில் பார்த்தால் சில செயல்பாடுகள் விசித்திரமாய் இருக்கும். மணப்பெண், மணமகன் சார்ந்து பல விநோதங்கள் நடக்கும். அந்த வகையில் சில விசித்திரச் செயல்பாடுகள்.

இந்தியா:

நம் நாட்டில் பல்வேறு பகுதிகளில் மணப்பெண்ணின் சகோதரிகள், மாப்பிள்ளையின் ஷுக்களை 'அபேஸ்' செய்து, பின்னர் ஒரு குறிப்பிட்ட தொகையை டிமாண்ட் செய்து பெற்றதும் திருப்பித் தருவர்.

சீனா:

துஜியா இனப் பெண்கள் திருமணத்துக்கு ஒரு மாதம் இருக்கும் முன்பே அழ ஆரம்பித்துவிடுவர். மகிழ்ச்சி, நன்றியின் அடையாளமாக இதைக் கருதுகின்றனர்.

ஸ்காட்லாந்து:

தோழியர், பெண்ணின் குடும்பத்தினர் மணப்பெண்ணின் முகத்தை புகைக்கரி, இறகுகள், மாவால் மறைத்து நகர் முழுவதும் ஊர்வலமாக அழைத்து வருவார்கள். இப்படி செய்வதின் மூலம் திருமணத்துக்குப் பின்னர் வரும் எத்தகைய சங்கடங்களையும் அந்த பெண் சமாளித்து விடுவார் என்ற நம்பிக்கையே இதற்கு காரணம்.

கென்யா:

மாசாய் இன மணப்பெண்ணை அவரது தலையிலும் நெஞ்சிலும் தந்தை துப்புவார். இது நல்ல அதிர்ஷ்டம், ஆசிர்வாதங்களை கொண்டு வந்து சேர்க்கும் என்கிறார்கள்.

தென் கொரியா:

முதல் நாள் இரவு மணமகனின் காலில் மீனால் அல்லது குச்சியால் அடிப்பர். மணமகனின் வலு, குணாதிசயத்தை இதன்வாயிலாக அறிய முடியும்.

ஜெர்மனி:

'போல் டெரா பெண்ட்' என்ற வழக்கத்தின்படி, மணமக்கள், உறவினர்கள் போர்சிலையினாலான பொருள்களை வைத்து உடைப்பர். இது தீய சக்திகளை விரட்டி விடும் என்ற நம்பிக்கை.

சுவீடன்:

திருமணத்தின்போது, மணமகன் அல்லது மணப்பெண் இருந்த அறையை விட்டு அகன்றதும், அங்கு மீதம் உள்ள பொருட்களை மற்ற உறவினர்கள் எடுத்து அவற்றிற்கு முத்தம் கொடுப்பார்களாம்.

இந்தோனேஷியா:

டிடோங் இன மக்களிடையே ஒரு நூதன பழக்கம் உண்டு. திருமணம் முடிந்ததும் மணமக்களை மூன்று பகல், இரவு குளியலறைப் பக்கம் போகவே தடை செய்து விடுவார்கள். திருமணமானாலும், நாலும் இருக்கும். அது எல்லாத்துக்கும் அனுசரித்து போக வேண்டும் என்பதற்காகவே இது.