ஜடா​மு​டியே ராஜ மகு​டம்!

மூர்த்தி நாய​னார், 63 நாயன்​மார்​க​ளில் 15-ஆம் நிலை​யில் உள்​ள​வர் என்று சேக்​கி​ழார் புரா​ணம் கூறு​கி​றது. வைசிய குலத்​தில் அவ​த​ரித்த இவர் பல​ச​ரக்கு வியா​பா​ரம் செய்து வந்​தார். மூர்த்தி நாய​னார், பாண்​டிய மன்​ன​னைப்​போல் சொக்​க​நா​த​ரி​டம் அதீத பக்தி கொண்​ட​வர். தின​மும் சுந்​த​ரேஸ்​வ​ரரை சென்று தரி​சித்​தால் மட்டுமே அன்​றைய தினம் புனி​தம் அடைந்​த​தாக நினைப்​பார். 

சிவ​னார் எப்​போ​தும் சந்​தன மணத்​து​டன் இருக்​க​வேண்​டு​மென ஒரு பெரிய சந்​த​னக் கட்டையை எடுத்​துச் சென்று அக்​கோ​யி​லி​லேயே சந்​த​னம் அரைக்​கும் கல்​லில் கட்டையை நன்​றா​கத் தேய்த்து, மையாக வரும் சந்​த​னத்தை இறை​ய​னா​ருக்கு தின​சரி தந்து பர​வ​ச​ம​டை​வார். 

அந்​தக் காலத்​தில் கர்​நா​ட​கத்தை ஆண்ட வடுக மன்​ன​னின் திடீர் படை​யெ​டுப்​பால் மது​ரையை ஆண்ட பாண்​டிய மன்​னன் கொல்​லப்​பட்டு, மதுரை வடுக மன்​ன​னின் வச​மா​னது. அம்​மன்​னன் சமண மதத்​தைப் பின்​பற்​று​ப​வ​ரா​த​லால், அனை​வ​ரும்  சம​ண​ராக மாற வேண்​டும். மறுத்​தால் சிரச்​சே​தம்; கொடு​மை​கள் தலை​வி​ரித்​தா​டின.

மூர்த்தி நாய​னா​ரின் சிவத் தொண்​டினை கேள்​வி​யுற்ற வடுக மன்​னன், "இவர் சந்​த​னக்​கட்டை வாங்​கும் இடங்​க​ளில் யாரும் அவ​ருக்கு சந்​த​னக் கட்டை கொடுக்​கக் கூடாது' என ஆணை​யிட்​டான்.

மூர்த்தி நாய​னார் "சொக்கா உனக்கு இன்று சந்​த​னம் கொடுக்க இய​ல​வில்​லையே' என மனம் நொந்​தார். பின்​னர், மன​தைத் தேற்​றிக்​கொண்டு, எப்​போ​தும்​போல் சந்​தன மேடைக்​குச் சென்​றார். ஈசனை மன​தில் நிறுத்தி, சந்​த​னக் கட்டைக்​குப் பதில் தன் இரு கைக​ளை​யும் சந்​த​னக் கட்டை​யாக நினைத்து அந்த கருங்​கல் மேடை​யில் தேய்க்க ஆரம்​பித்​தார். 

கை தேய்ந்​தது, ஒரே ரத்​த​மும் சதை​யும் பீறிட்டு வெளி​வந்​தது கூடத் தெரி​யா​மல் திரு​ஐந்​தெ​ழுத்து மந்​தி​ரத்​தைக் கூறிக்​கொண்​டி​ருந்​தார். 

இத​னைக் காணச் சகி​யாத முக்​கண்​ணன் சுந்​த​ரேஸ்​வ​ரன் -  "நில்​லடா மூர்த்தி... உன் பக்தி என்​னைப் பதைக்​கச் செய்​கி​றது. உன் பிரேம பக்​தியை மெச்சி, உன்னை இந்​தப் பாண்​டிய நாட்டின் மன்​ன​னாக ஆக்​கு​கி​றேன்' என அச​ரீரி வாக்கு அரு​ளி​னார்.

அன்​றி​ரவு, வடுக மன்​ன​னுக்​குத் தீராத நோய் வந்து உடனே இறந்​து​விட்​டான். மறு​நாள் அவ​னது ஈமக்​கி​ரி​யை​கள் முடிந்​த​பின், வாரிசு இல்​லாத அம்​மன்​ன​னுக்கு பதில் என்ன செய்​ய​லா​மென மந்​தி​ரி​மார்​கள் ஒன்​று​கூடி விவா​தித்​த​னர். அர​சக் கொள்​கை​யின்​படி பட்டத்து யானை​யின் கண்​க​ளைக் கட்டி அதன் தும்​பிக்​கை​யில் மலர்​மா​லை​யைக் கொடுத்து அனுப்​பி​னர். 

அம்​மாலை யார் கழுத்​தில் விழு​கி​றதோ அவ​ரையே இந்த பாண்​டிய நாட்டின் மன்​ன​ராக ஏற்​போ​மென விவா​தித்து, அப்​ப​டியே செய்​த​னர். 

சுந்​த​ரேஸ்​வ​ரர் கோயில் வாயி​லில் நின்​றி​ருந்த மூர்த்தி நாய​னா​ரின் கழுத்​தில் அந்த மாலை விழுந்​தது. அதனை ஏற்ற நாய​னார், "நான் ராஜ மகு​டம் தரி​யேன்; என் ஜடா​மு​டியே ராஜ மகு​ட​மாய் இருக்​கும்; காவித்​துணி அணிந்து என்னை சிவ பக்​த​னாய் தொட​ரச் செய்​தால் ஆட்சிப் பொறுப்​பினை ஏற்​கி​றேன்' என்​றார். 

அனை​வ​ரும் ஏற்​றுக் கொண்​ட​தால் அரச பத​வியை ஏற்று நல்​லாட்சி செய்து, பின் இறை​ய​னா​ரின் திருக்​கை​லாய பத​வி​ய​டைந்​தார். மூர்த்தி நாய​னா​ரின் திரு​நட்​சத்​தி​ரம் (ஆகஸ்ட் 12) ஆடிக்​கி​ருத்​தி​கை​யா​கும்.