ஆர்ஜென்டினாவின் செயற்கைக்கோளை செலுத்திய ஸ்பேஸ்-எக்ஸ்

அமெரிக்காவின் தனியார் விண்வெளி ஆய்வு நிறுவனமான ஸ்பேஸ்-எக்ஸ், ஆர்ஜென்டினா நாட்டு செயற்கைக்கோளை தனது ஃபால்கன் 9 ரக ராக்கெட் மூலம் வெற்றிகரமாக விண்ணில் செலுத்தியுள்ளது. மேலும், அந்த ராக்கெட்டின் தொடக்க நிலை இயக்கப் பகுதியை மீண்டும் பயன்படுத்துவதற்கு ஏற்றவாறு வெற்றிகரமாக திரும்பப் பெற்றுள்ளது. கலிஃபோர்னியா ஏவுதளத்தில் தனது ராக்கெட் பாகத்தை ஸ்பேஸ்-எக்ஸ் திரும்பப் பெறுவது இதுவே முதல் முறை ஆகும்.