ஒப்பந்தத்துக்கு உள்பட்டே ஏவுகணைத் தயாரிப்பு

அமெரிக்காவுடன் மேற்கொண்டுள்ள அணு ஆயுத ஒப்பந்த அம்சங்களுக்கு உள்பட்டே, தனது 9எம்729 ரக ஏவுகணைகள் தயாரிக்கப்பட்டுள்ளதாக ரஷியா விளக்கமளித்துள்ளது.
இதுகுறித்து ரஷிய அதிகாரிகள் கூறுகையில், அணு ஆயுத ஒப்பந்தத்தில் 500 முதல் 5,500 கி.மீ. தொலைவு பாயக்கூடிய 
ஏவுகணைகளுக்குத்தான் தடை உள்ளது. ஆனால், 9எம்729 ரக ஏவுகணைகள் அதிகபட்சமாக 480 கி.மீ. தொலைவுதான் பாய்ந்து செல்லும் என்று தெரிவித்துள்ளனர். 
அணு ஆயுத மோதலைத் தடுப்பதற்காக, அணு ஆயுதங்களை ஏந்திச் செல்லக் கூடிய தொலைதூர ஏவுகணைகளை அழிப்பதற்கும், புதிய ஏவுகணைகளைத் தயாரிக்காமல் இருப்பதற்கும் அமெரிக்கா - ரஷியா இடையே 1987-ஆம் ஆண்டு ஒப்பந்தம் மேற்கொள்ளப்பட்டது.