ஆப்கானிஸ்தானில் வெடிகுண்டு தாக்குதல்: 3 பேர் பலி

ஆப்கானிஸ்தான் நாட்டின் தலைநகர் காபூலில் சனிக்கிழமை நடைபெற்ற வெடிகுண்டு தாக்குதலில் செய்தி தொகுப்பாளர் உள்ளிட்ட 3 பேர் பலியாகினர்.

ஆப்கானிஸ்தான் நாட்டின் தலைநகர் காபூலில் சனிக்கிழமை வெடிகுண்டுத் தாக்குதல் நிகழ்ந்தது. இந்த குண்டுவெடிப்பில் ஆப்கானிஸ்தானின் முன்னாள் தொலைக்காட்சி தொகுப்பாளர் யமா சியாவாஷ் உள்ளிட்ட 3 பேர் கொல்லப்பட்டனர்.

சியாவாஷின் வாகனத்தில் இணைக்கப்பட்ட வெடிகுண்டு வெடித்ததை அடுத்து இந்த சம்பவம் ஏற்பட்டதாக காபூல் காவல்துறையினர் தெரிவித்தனர். சியாவாஷினைத் தொடர்ந்து தாக்குதலில் உயிர் இழந்த அனைவரும் மத்திய வங்கியின் ஊழியர்கள் என்று காவல்துறையினர் தெரிவித்தனர்.