உலக அளவில் கரோனா தொற்றால் பாதித்தோர் எண்ணிக்கை 3 கோடியே 3 லட்சத்து 49 ஆயிரத்து 591 ஆக உயர்ந்துள்ளது.
உலக முழுவதும் பெரும்பாலான நாடுகளில் கரோனா வைரஸின் தாக்கம் தொடர்ந்து அதிகரித்த வண்ணம் இருக்கிறது.
இந்நிலையில், வெள்ளிக்கிழமை காலை நிலவரப்படி, உலக அளவில் மொத்த கரோனா பாதிப்பு 3,03,49,591 கோடியைத் தாண்டியுள்ளது. தற்போதைய நிலவரப்படி, உலகம் முழுவதும் 73,60,448 பேர் கரோனா தொற்றுக்கு தொடர்ந்து சிகிச்சை பெற்று வருகின்றனர். அதேநேரத்தில் தொற்று பாதிப்புக்கு இதுவரை 9,50,555 பேர் உயிரிழந்துள்ளனர், 2,20,38,588 பேர் கரோனா தொற்றில் இருந்து மீண்டுள்ளனர். சிகிச்சை பெற்று வருபவர்களில் 61,129 பேரின் நிலைமை கவலைக்கிடமாக உள்ளது.
உலகளவில் கரோனா பாதிப்பில் மற்றும் உயிரிழப்பில் அமெரிக்கா தொடர்ந்து முதலிடத்தில் உள்ளது. அதன்படி அமெரிக்காவில் 68,74,596 பேரும், அதையடுத்து இந்தியாவில் 52,12,686 பேரும், பிரேசிலில் 44,57,443 பேரும், ரஷியாவில் 10,85,281 பேரும் கரோனா தொற்றால் பாதிக்கப்பட்டுள்ளனர்.