மணிக்கு 600 கி.மீ வேகம்: சீறிப் பாயும் ரயிலை அறிமுகப்படுத்திய சீனா

மணிக்கு 600 கி.மீ. வேகத்தில் செல்லும் அதிவேக மின்காந்த ரயிலை சீனா அறிமுகப்படுத்தியுள்ளது.

முழுவதும் உள்நாட்டிலேயே தயாரிக்கப்பட்ட உலைன் அதிவேக தரைத்தள வாகனத்தை சீனா செவ்வாய்க்கிழமை அறிமுகப்படுத்தியது.

சீனாவின் கிங்டாவ் பகுதியில் தயாரிக்கப்பட்ட இந்த அதிவேக ரயிலானது மின்காந்த புலத்தால் இயக்கப்படும் வகையில் வடிவமைக்கப்பட்டுள்ளது. தண்டவாளத்திலிருந்து மேலே எழும்பி செல்லும் வகையிலான இந்த மின்காந்த ரயிலானது மணிக்கு 600 கி.மீ. வேகத்தில் செல்லக்கூடியது.

பெய்ஜிங் நகரத்திலிருந்து ஷாங்காய் நகர் வரையிலான 1000 கி.மீ. தூரத்தை இந்த ரயிலின் மூலம் 2.5 மணி நேரத்தில் கடக்க முடியும். இதேதூரத்தைக் கடக்க விமானத்தில் 3 மணி நேரமும், ரயிலில் 5.5 மணி நேரமும் ஆகும் என்பது குறிப்பிடத்தக்கது.

இந்த ஆண்டின் இறுதிக்குள் நாடு முழுவதும் மொத்தம் 37,900 கி.மீ. தூரம் இந்த ரயில் சேவை விரிவுபடுத்தப்பட உள்ளது.

இந்த அதிவேக ரயிலின் பயன்பாட்டைப் பொருத்து நாட்டின் மற்ற பகுதிகளுக்கு செயல்பாட்டுக்கு கொண்டு வர சீன திட்டமிட்டுள்ளது.