கொழும்பு: இலங்கையில் பிரதமா் மகிந்த ராஜபட்சவைத் தவிர அமைச்சரவையில் இடம்பெற்றிருந்த 26 அமைச்சா்களும் ஞாயிற்றுக்கிழமை இரவு ராஜிநாமா செய்த நிலையில், அவர்களது ராஜிநாமாவை அதிபர் கோத்தபய ராஜபட்ச ஏற்றுக் கொண்டார்.
இலங்கை அமைச்சர்கள் ராஜிநாமா கடிதம் அனுப்பியிருந்த நிலையில், அமைச்சர்களின் ராஜிநாமா கடிதத்துடன், அதிபர் கோத்தபய ராஜபட்சவை பிரதமர் மகிந்த ராஜபட்ச இன்று சந்தித்தார். அப்போது அமைச்சர்களின் ராஜிநாமாவை அதிபர் ஏற்றுக் கொண்டதாக தகவல்கள் தெரிவிக்கின்றன.
இலங்கையில் கடும் பொருளாதார நெருக்கடி காரணமாக விலைவாசி உயா்வு, உணவுப் பொருள்களுக்கு பற்றாக்குறை என பெரும் பாதிப்பு ஏற்பட்டுள்ளது. அதிபா் மற்றும் பிரதமருக்கு எதிராக போராட்டங்கள் நடைபெறுவதால் இலங்கையில் அவசரநிலை பிரகடனம் செய்யப்பட்டது. 36 மணி நேர ஊரடங்கும் சனிக்கிழமை மாலை முதல் அமலுக்கு வந்து இன்று காலை 6 மணியுடன் நிறைவு பெற்றது.
அவசரநிலை மற்றும் ஊரடங்கு போன்ற கட்டுப்பாடுகளையும் மீறி இலங்கையில் நேற்று பல்வேறு பகுதிகளில் பொதுமக்களின் போராட்டம் வெடித்தது.
இதற்கிடையே இலங்கையின் பிரதமா் மகிந்த ராஜபட்ச தனது பதவியை ராஜிநாமா செய்ததாக ஞாயிற்றுக்கிழமை தகவல்கள் வெளியாகின. இதை மறுத்த பிரதமா் அலுவலகம், இந்தத் தகவல்கள் தவறானவை எனவும், அதுபோன்ற திட்டம் எதுவும் இல்லை எனவும் தெரிவித்தது.
இதையடுத்து, பிரதமா் மகிந்த ராஜபட்சவைத் தவிர அமைச்சரவையில் இடம்பெற்றிருந்த 26 அமைச்சா்களும் தங்கள் பதவியை ஞாயிற்றுக்கிழமை இரவு ராஜிநாமா செய்தனா்.
இதுதொடா்பாக, தலைநகா் கொழும்பில் கல்வித் துறை அமைச்சராக இருந்த தினேஷ் குணவா்த்தன செய்தியாளா்களிடம் கூறுகையில், ‘‘அமைச்சா்கள் அனைவரும் தங்கள் ராஜிநாமா கடிதத்தை பிரதமா் மகிந்த ராஜபட்சவிடம் ஒப்படைத்துள்ளனா்’’ என்று தெரிவித்தாா். எனினும் அவா்கள் ராஜிநாமா செய்ததற்கான காரணத்தை அவா் தெரிவிக்கவில்லை.
பிரதமரின் மகனும் பதவி விலகல்: பிரதமா் மகிந்த ராஜபட்சவின் மகனும் இலங்கை விளையாட்டுத் துறை அமைச்சருமான நாமல் ராஜபட்சவும் தனது பதவியை ராஜிநாமா செய்துள்ளது குறிப்பிடத்தக்கது.