Enable Javscript for better performance
ரயில் வரும்போது தண்டவாளத்தில் தள்ளப்பட்ட பெண்; பதறவைக்கும் காட்சி- Dinamani

உடனுக்கு உடன் செய்திகள்

    ரயில் வரும்போது தண்டவாளத்தில் தள்ளப்பட்ட பெண்; பதறவைக்கும் காட்சி

    By DIN  |   Published On : 17th January 2022 03:30 PM  |   Last Updated : 17th January 2022 04:02 PM  |  அ+அ அ-  |  

    Youth loses his legs, after attempting suicide on railway track

    (கோப்புப்படம்)


    பெல்ஜியத்தில், ரயிலுக்காக காத்திருந்த பெண்ணை, பின்னாலிருந்து ஒருவர் வேண்டுமென்றே தண்டவாளத்தில் தள்ள, அப்போது, மிக அருகே வந்துகொண்டிருந்த மெட்ரோ ரயில் ஓட்டுநர், சாமர்த்தியமாக செயல்பட்டு, அவசரகால பிரேக்கைப் போட்டு ரயிலை நிறுத்தினார்.

     

    இதனால், கண்ணிமைக்கும் நேரத்தில், அப்பெண் உயிருடன் மீட்கப்பட்டார்.

    பெல்ஜியத்தில், பிரஸல்ஸ் நகரின் மெட்ரோ ரயில் நிலையத்தில் இந்தச் சம்பவம் நிகழ்ந்துள்ளது. காண்போரின் நெஞ்சை பதற வைக்கும் இந்த சம்பவம் முழுக்க அங்கிருந்த சிசிடிவி கேமராவில் பதிவாகியுள்ளது.

    அதில், பிரஸல்ஸ் மெட்ரோ ரயில் நிலையத்தில் ஏராளமானோர் ரயிலுக்காகக் காத்திருக்கிறார்கள். அப்போது ரயில்நிலைய நடைமேடையில் நின்றிருக்கும் ஒரு பெண்ணை, பின்னாலிருந்து வரும் ஒரு நபர், தண்டவாளத்தை நோக்கி தள்ளிவிடுகிறார். எதிர்பாராத இந்த தாக்குதலால் நிலைகுலைந்த அப்பெண், எவ்வித எதிர்ப்போ, தற்காப்பு முயற்சிகளோயின்றி தண்டவாளத்தில் பொத்தென்று விழுகிறார்.

    இதையும் படிக்க.. குடியரசு நாள் அணிவகுப்பு: மாநில அலங்கார ஊர்திகள் நிராகரிப்பின் பின்னணி?

    அவர் விழுந்த அந்த வேகத்திலேயே அவருக்கு படுகாயங்கள் ஏற்பட்டிருக்கலாம். அது குறித்து எந்த தகவலும் இல்லை. அவ்வளவுதான் கண்இமைக்கும் நேரத்தில், அவளருகே அவர் எதிர்பார்த்துக் காத்து நின்ற மெட்ரோ ரயில் வந்துவிட்டது. என்ன அவர் ஏறுவதற்குத்தான் தயாராகவில்லை. மாறாக ரயில் தயாராக இருந்தது. ஆனால், எல்லாம் முடிந்துவிட்டது என்று ஒரு நொடிப்பொழுதில் கண்களை மூடிக் கொண்டு அச்ச உணர்வை வெளிப்படுத்துவதற்குள், நம்மைப் போல அல்லாமல் ரயில் ஓட்டுநரோ, மிகவும் சாமர்த்தியமாக அவசரகால பிரேக்கைப் போட்டு, அந்த இடத்திலேயே ரயிலை நிறுத்துகிறார். நல்வாய்ப்பாக அந்த ரயிலின் அவசரகால பிரேக்குகள் வெகுச் சிறப்பாக வேலை செய்ததால், அப்பெண்ணுக்கு மிகவும் அருகாமையில் அந்த ரயில் நிறுத்தப்பட்டது.

    கண் முன் இவ்வளவையும் பார்த்துக் கொண்டிருக்கும் பயணிகளுக்கு என்ன நடக்கிறது என்று புரிபடுவதற்குள், எல்லாமே நடந்து முடிந்துவிடுகிறது. சிலர் உடனடியாக தண்டவாளத்தில் குதித்து அப்பெண்ணை மீட்கிறார்கள்.

    பெண் உடனடியாக மருத்துவமனைக்கு அழைத்துச் செல்லப்படுகிறார். பெண்ணை தண்டவாளத்தில் தள்ளிவிட்டு, ஓடிய நபரை காவல்துறையினர் வெகு எளிதில் கண்டுபிடித்துகைது செய்தார்கள். ஆனால், இந்த கொலை முயற்சிக்கான காரணம் குறித்து இதுவரை தகவல்கள் வெளியாகவில்லை.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp