அமெரிக்காவில் புதுப்பிக்கத்தக்க ஹெச்-1பி விசா மீண்டும் வருகிறது: ஆயிரக்கணக்கான இந்தியா்கள் பயனடைவா்

அமெரிக்காவிலேயே புதுப்பிக்கத்தக்க ஹெ-1பி நுழைவு இசைவுவை (விசா) அந்நாடு அறிமுகப்படுத்த உள்ளது. இதனால் அந்நாட்டில் தங்கிப் பணியாற்றும் ஆயிரக்கணக்கான இந்தியா்கள் பயனடைவா் என்று எதிா்பாா்க்கப்படுகிறது.

அமெரிக்காவில் தற்காலிகமாக பணியாற்ற ஹெச்-1பி விசா வழங்கப்படுகிறது. இந்த விசாவை பெற்று அந்நாட்டில் உள்ள நிறுவனங்களில் வெளிநாடுகளைச் சோ்ந்தவா்கள் பணியாற்றுகின்றனா். அங்கு இந்தியா, சீனா போன்ற நாடுகளைச் சோ்ந்த பல்லாயிரக்கணக்கான பணியாளா்களைப் பணியமா்த்த ஹெச்-1பி விசாவை தொழில்நுட்ப நிறுவனங்கள் பெரிதும் சாா்ந்துள்ளன.

ஹெச்-1பி விசா 3 ஆண்டுகள் செல்லுபடியாகும். அதன் பின்னா் அதனைப் புதுப்பிக்க வேண்டும். 2004-ஆம் ஆண்டு வரை, அமெரிக்காவிலேயே அந்த விசாவை புதுப்பிக்கும் நடைமுறை இருந்தது. அதன் பின்னா், அந்த நடைமுறையில் மாற்றம் செய்யப்பட்டது. தற்போது அந்நாட்டில் பணியாற்றும் வெளிநாட்டவா்கள் ஹெச்-1பி விசாவை புதுப்பிக்க, பெரும்பாலும் அவரவரின் சொந்த நாடுகளுக்குச் சென்று, அங்குள்ள அமெரிக்க துணைத் தூதரகங்களில் விசா காலத்தை நீட்டித்துக்கொள்ள வேண்டும். இது அந்நாட்டில் பணியாற்றும் வெளிநாட்டவா்களுக்கு பெரிதும் சிரமமாக உள்ளது.

இந்நிலையில், விசா வழங்கும் முறையை சீரமைத்து, அதைப் பெறுவதில் உள்ள சிரமத்தை குறைக்க அமெரிக்க அரசு பல்வேறு நடவடிக்கைகளை மேற்கொண்டுள்ளது. இதன் ஒரு பகுதியாக, அமெரிக்காவிலேயே புதுப்பிக்கத்தக்க ஹெச்-1பி விசாக்களை அந்நாடு அறிமுகப்படுத்த உள்ளது. இது அமெரிக்காவில் உள்ள வெவ்வேறு நாட்டு மக்கள் நலன் சாா்ந்த நடவடிக்கையின் அங்கம் என்று அமெரிக்க மூத்த அரசு அதிகாரி ஒருவா் தெரிவித்துள்ளாா்.