சீன புத்தாண்டு தொடங்கியது. மிக முக்கிய விழாவாக சீனாவில் கருதப்படும் இந்த புத்தாண்டு விடுமுறை நாளில் சீன மக்கள் தங்கள் குடும்பத்தினர், உறவினர்களோடு இணைந்து கொண்டாட்டங்களில் பங்கேற்றனர்.
சீன நம்பிக்கையின் அடிப்படையில் 12 விலங்குகள்- ஆண்டுகளின் பெயராக ஒவ்வொரு ஆண்டும் மாறும். அதன் அடிப்படையில் இந்த ஆண்டு டிராகன் ஆண்டாக கொண்டாடப்படுகிறது.
சீன மக்கள் இந்தாண்டில் குழந்தைகளைப் பெற்றுகொள்ள விரும்புவர். டிராகன் போலவே பலம், ஆற்றல் மற்றும் வெற்றி கிடைக்கும் என்கிற நம்பிக்கை நிலவுகிறது.
சீன கலாச்சாரத்தில் அதிர்ஷ்ட நிறமான சிவப்பு நிறத்தில் மக்கள் ஆடைகளை அணிவர். குழந்தைகள் பெரியவர்களிடமிருந்து அன்பளிப்புகளை சிவப்பு நிற உறையில் பெறுவர்.
இதையும் படிக்க: 23 லட்சம் பேரின் நிலை? : ராபா தாக்குதலில் 28 பேர் பலி
சீனாவின் வசந்த கால தொடக்க நாளான புத்தாண்டு, சீனாவில் மட்டுமல்லாமல் ஹாங்காங், தென்கொரியா, வியட்நாம், மியான்மர், மலேஷியா மற்றும் இந்திய தர்மாசாலாவில் உள்ள திபெத் துறவிகள் வரை கொண்டாடப்படும்.