ஹமாஸ் கோரிக்கைகளை மறுத்த நெதன்யாகு: பேச்சுவார்த்தை முடங்கியதா?

ஹமாஸ் தரப்பில் முன்வைக்கப்பட்ட முதன்மையான இரு கோரிக்கைகளை இஸ்ரேலிய பிரதமர் பெஞ்சமின் நெதன்யாகு மறுத்துள்ளார்.

இருதரப்புக்குமிடையே கத்தார், குவைத் மற்றும் அமெரிக்கா ஆகிய நாடுகள் மத்தியஸ்தம் செய்து வருகின்றன. இருமாதங்களுக்கு போர் நிறுத்தம் மற்றும் பிணைக்கைதிகள் விடுவிப்பு ஆகியவற்றை முன்வைத்து பேச்சுவார்த்தை நடைபெற்று வருகிறது.

இந்த நிலையில், ஹமாஸ் தலைவர் இஸ்மாயில் ஹனீயே, ஒப்பந்தம் குறித்து தாங்கள் ஆலோசனை செய்வதாகவும் ஆனால் முதன்மையான கோரிக்கை இஸ்ரேல் படைகள் காஸாவிலிருந்து முற்றிலும் வெளியேற வேண்டும் மற்றும் 1,000 பாலஸ்தீனர்கள் விடுவிக்கப்பட வேண்டும் எனத் தெரிவித்தார்.

இதனை மறுத்த இஸ்ரேலிய பிரதமர் நெதன்யாகு, இலக்குகள் எட்டப்படும் வரை போர் நிறுத்தம் கிடையாது. இஸ்ரேலின் இலக்கு ஹமாஸை வேரோடு அகற்றுவது எனத் தெரிவித்து இரு கோரிக்கைகளையும் திட்டவட்டமாக மறுத்துள்ளார்.

பலியான பாலஸ்தீனர்கள் எண்ணிக்கை 26,700-ஐ கடந்துள்ள நிலையில் பன்னாட்டளவில் போர் நிறுத்தத்துக்கான அழுத்தம் உருவாகியுள்ளது.

இதையும் படிக்க: நினைத்தாலே கணினி கேட்கும்: எலான் மஸ்கின் ‘டெலிபதி’!

ஹமாஸ் பிடியில் உள்ள 100-க்கும் மேற்பட்ட பிணைக்கைதிகளை விடுவித்து அழைத்து வர இஸ்ரேல் நாட்டுக்குள்ளே அழுத்தம் உருவாகியிருப்பது குறிப்பிடத்தக்கது.