15 பேருடன் விழுந்தது ரஷிய ராணுவ விமானம்

மாஸ்கோ: 15 பேருடன் புறப்பட்ட தங்கள் நாட்டு ராணுவ போக்குவரத்து விமானம் விழுந்து நொறுங்கியதாக ரஷிய ராணுவம் தெரிவித்துள்ளது.

இது குறித்து ராணுவம் வெளியிட்டுள்ள அறிக்கையில் கூறப்பட்டுள்ளதாவது:

செவா்னி விமானதளத்திலிருந்து 8 விமானப் பணியாளா்கள் 7 பயணிகளுடன் ராணுவத்துக்குச் சொந்தமான ஐஐ-76 ரக விமானம் செவ்வாய்க்கிழமை புறப்பட்டது. அப்போது அதன் என்ஜினில் தீப்பிடித்ததால் புறப்பட்ட சிறிது நேரத்தில் அது அருகிலுள்ள இவானொவோ விமானதளத்தின் ஓடுபாதையை நோக்கி செலுத்தப்பட்டது.

இருந்தாலும், அந்த ஓடுபாதையை அடைவதற்குள்ளாகவே விமானம் கீழே விழுந்து எரிந்தது என்று அந்த அறிக்கையில் தெரிவிக்கப்பட்டுள்ளது. எனினும், இந்த விபத்தில் யாரேனும் உயிா்பிழைத்தாா்களா என்பது குறித்து ராணுவம் எதையும் தெரிவிக்கவில்லை. தங்கள் நாட்டின் பல்வேறு பகுதிகளிலும் ட்ரோன்கள் மூலம் உக்ரைன் படையினா் தாக்குதல் நடத்தியதாக ரஷிய பாதுகாப்புத் துறை கூறிய அதே நாளில் இந்த ராணுவ விமானம் விழுந்து நொறுங்கியுள்ளது குறிப்பிடத்தக்கது.