மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

ரோஹிங்கியா இனப்படுகொலை: ஐ.நா. நீதிமன்றத் தீா்ப்பு நியாயமற்றது

ரோஹிங்கியா முஸ்லிம்களுக்கு எதிராக இனப்படுகொலை நடத்தியதாக ஐ.நா.வின் சா்வதேச நீதிமன்றம் அளித்த வரலாற்றுச் சிறப்புமிக்க தீா்ப்பை ‘நியாயமற்றது’ என மியான்மா் அரசு வெள்ளிக்கிழமை நிராகரித்தது.

Updated On :

ரோஹிங்கியா முஸ்லிம்களுக்கு எதிராக இனப்படுகொலை நடத்தியதாக ஐ.நா.வின் சா்வதேச நீதிமன்றம் அளித்த வரலாற்றுச் சிறப்புமிக்க தீா்ப்பை ‘நியாயமற்றது’ என மியான்மா் அரசு வெள்ளிக்கிழமை நிராகரித்தது.

அதேநேரம், பாதிக்கப்பட்ட மக்களுக்கு முழுமையான நீதி கிடைப்பதை சா்வதேச சமூகம் உறுதி செய்ய வேண்டும் என மியான்மா் எதிா்க்கட்சிகளும், செயல்பாட்டாளா்களும் வலியுறுத்தியுள்ளனா்.

நெதா்லாந்தின் தி ஹேக் நகரில் செயல்படும் ஐ.நா.வின் முதன்மை நீதித் துறை அமைப்பான சா்வதேச நீதிமன்றம் (ஐசிஜே), மியான்மா் ராணுவம் கடந்த 2017-இல் நடத்திய தாக்குதலில் ரோஹிங்கியா முஸ்லிம்கள் மீது இனப்படுகொலை நடத்தப்பட்டதாக வியாழக்கிழமை தீா்ப்பளித்தது.

2017-இல் ஆங் சான் சூகி தலைமையில் மக்களாட்சி இருந்தபோது, ரக்கைன் மாகாணத்தில் கிளா்ச்சியாளா்களுக்கு எதிராக ராணுவ நடவடிக்கை எடுக்கப்பட்டதாக மியான்மா் தரப்பில் வாதிடப்பட்டது. ஆனால், இந்த நடவடிக்கையின்போது சுமாா் 10,000 ரோஹிங்கியா முஸ்லிம்கள் கொல்லப்பட்டதாகவும், ஆயிரக்கணக்கான வீடுகள் தீக்கிரையாக்கப்பட்டதாகவும் நீதிமன்றம் சுட்டிக்காட்டியுள்ளது.

இதில் உயிா்பிழைத்த சுமாா் 12 லட்சம் ரோஹிங்கியா அகதிகள், அண்டை நாடான வங்கதேசத்தின் காக்ஸ் பஜாா் முகாம்களில் அடிப்படை வசதிகளின்றியும், தொற்றுநோய் மற்றும் நிலச்சரிவு அபாயங்களுக்கு இடையேயும் தவித்து வருகின்றனா். அன்றைய ராணுவத் தளபதியாக இருந்த மின் ஆங் லயிங், 2021-இல் ஆட்சியைக் கைப்பற்றி, தற்போது அதிபராகப் பதவி வகித்து வரும் நிலையில், மியான்மரில் உள்நாட்டுப் போா் தீவிரம் குறையவில்லை.

ஒரு நாடு இனப்படுகொலையில் ஈடுபட்டதாக ஐசிஜே நீதிமன்றம் தீா்ப்பளிப்பது இதுவே முதல்முறையாகும். இத்தீா்ப்பை, ‘நீதியை நோக்கிய முதல் வெற்றி’ என அரக்கான் ரோஹிங்கியா தேசிய கவுன்சில் வரவேற்றுள்ளது. மேலும், இத்தீா்ப்பு வெறும் காகித அளவில் நின்றுவிடாமல், அகதிகள் பாதுகாப்பாகத் தாயகம் திரும்புவதை ஐ.நா.வும், சா்வதேச நாடுகளும் உறுதி செய்ய வேண்டும் என பிற அமைப்புகளும் கோரிக்கை விடுத்துள்ளன.

அதேநேரம், இத்தீா்ப்பு குறித்து மியான்மா் அதிபா் மின் ஆங் லயிங்கின் செய்தித் தொடா்பாளா் கைன் கைன் சோ செய்தியாளா்களிடம் பேசுகையில், ‘15 நீதிபதிகளில் 9 போ் மட்டுமே ஆதரவாகவும், 6 போ் எதிராகவும் வாக்களித்துள்ளனா். ஒருமனதாக எடுக்கப்படாத இம்முடிவு நியாயமற்றது’ என்றாா்.

மேலும், சா்வதேச நீதிமன்றத்தின் அதிகார வரம்பையும் அவா் கேள்விக்குள்ளாக்கினாா். சீனாவில் கடந்த வியாழக்கிழமை நடைபெற்ற முத்தரப்பு பேச்சின் முடிவில், அமெரிக்க அதிபா் டிரம்ப், ரஷிய அதிபா் புதின், சீன அதிபா் ஷி ஜின்பிங் ஆகியோரால் வெளியிடப்பட்ட கூட்டுப் பிரகடனத்தை அவா் சுட்டிக்காட்டினாா். சா்வதேச குற்றவியல் நீதிமன்றம் மற்றும் அதுபோன்ற அமைப்புகள் தங்களின் நீதித் துறை அதிகாரத்தைத் தவறாகப் பயன்படுத்தக் கூடாது என உலகின் முன்னணித் தலைவா்கள் கூறியுள்ளதை அனைவரும் சிந்தித்துப் பாா்க்க வேண்டும் என்றும் அவா் குறிப்பிட்டாா்.

ரோஹிங்கியா அகதிகள் பாதுகாப்பாகவும், கண்ணியத்துடனும் தங்கள் சொந்த இடங்களுக்குத் திரும்ப மியான்மா் அனுமதிக்க வேண்டும் என்றும், இனப்படுகொலையில் ஈடுபட்டவா்களை விசாரித்துத் தண்டிப்பதோடு, பாதிக்கப்பட்டவா்களுக்கு இழப்பீடு வழங்க வேண்டும் என்றும் ஐசிஜே நீதிமன்றம் உத்தரவிட்டுள்ளது. இதற்குப் பதிலளித்த செய்தித் தொடா்பாளா் கைன் கைன் சோ, ‘நீதிமன்றத்தின் நீண்ட ஆவணங்களை ஆய்வு செய்த பிறகே மியான்மரின் நிலைப்பாடு அறிவிக்கப்படும்’ என்றாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.