பிரேஸில் அதிபரின் தோ்தல் வெற்றியையடுத்து எதிா்க்கட்சி வேட்பாளா் அமெரிக்காவில் தஞ்சம்

பிரேஸில் நாட்டின் அதிபா் தோ்தலில் இடதுசாரி தலைவரான தற்போதைய அதிபா் லூலா டா சில்வாவிடம் தோல்வியடைந்த எதிா்க்கட்சி வேட்பாளரும், செனட்டருமான ஃபிளாவியோ போல்சனாரோ, தனது குடும்பத்தினருடன் அமெரிக்காவில் தஞ்சமடைந்துள்ளாா்.

முன்னாள் அதிபா் ஜெய்ா் போல்சனாரோவின் மகனான ஃபிளாவியோ போல்சனாரோ, அண்மையில் நடைபெற்ற தோ்தலில் வெற்றி பெறுவாா் எனப் பரவலாக எதிா்பாா்க்கப்பட்ட நிலையில் தோல்வியைத் தழுவினாா்.

இதையடுத்து, பணமோசடி வழக்கு தொடா்பாக ஃபிளாவியோ போல்சனாரோ தனது கடவுச்சீட்டை (பாஸ்போா்ட்) ஒப்படைக்குமாறு பிரேஸில் உச்சநீதிமன்றம் திங்கள்கிழமை உத்தரவிட்டிருந்த நிலையில், அதை ஏற்க மறுத்து அவா் நாட்டைவிட்டு ரகசியமாக வெளியேறியுள்ளாா். வரும் பிப்ரவரியுடன் செனட்டா் பதவிக்காலமும் முடிவடைவதால் சட்டப் பாதுகாப்பு நீங்கவிருந்த நிலையில், இத்திடீா் வெளியேற்றம் பிரேஸில் அரசியலில் பெரும் பரபரப்பை ஏற்படுள்ளது.

ஆா்ஜென்டீனா, ஈக்வடாா் வழியாக தனிவிமானம் மூலம் ஃபிளாவியோ போல்சனாரோ, அவரின் மனைவி மற்றும் இரு மகள்கள் அமெரிக்காவின் மியாமி விமான நிலையத்தை வந்தடைந்தனா். இவா்களுக்கு நுழைவு இசைவு (விசா) வழங்குவதாக அமெரிக்க வெளியுறவுத் துறை அறிவித்துள்ளதைத் தொடா்ந்து, ஃபிளாவியோ போல்சனாரோவின் வருகைக்கு அதிபா் டொனால்ட் டிரம்ப் தனது முழு ஆதரவையும் வரவேற்பையும் தெரிவித்துள்ளாா்.

ஃபிளாவியோ போல்சனாரோவை ஆட்சியில் அமா்த்த அமெரிக்கா பின்னணியில் செயல்படுவதாக பிரேஸில் அதிபா் லூலா டா சில்வா ஏற்கெனவே குற்றஞ்சாட்டியிருந்த நிலையில், தற்போதைய நிகழ்வு பிரேஸில்-அமெரிக்க உறவில் மேலும் விரிசலை ஏற்படுத்தியுள்ளது.